Home Comentario Tin falta di fruta y berdura y e poco cu tin ta...

Tin falta di fruta y berdura y e poco cu tin ta caro y te hasta daña

32
0
SHARE
- Advertisement -

Segun consumidor:

ORANJESTAD (AAN) — Na e momentonan aki ta berdad cu tanto den supermercado como den fruterianan, tin falta di hopi producto manera fruta y berdura.

Den supermercadonan grandi por mira hopi espacio bashi unda semper consumidornan tabata custumbra di wak fruta y berdura.

Pa colmo, den e frutanan cu tin cual prijs ta hopi halto por cierto, meymey tin fruta putri cu no a wordo saca afo y ta sigui putri e resto.

Tambe ta asina cu hopi consumidor ta sumamente preocupa pa e aumento di BBO. Ya caba tin productonan excesivamente caro, por ehemplo carni y incluso galiña, pues ta puntra kico lo para despues ora e medida antipopular aki drenta na vigor.

Tin algun hende cu por mara faha si nan ta gana bon, aunke den cada hogar tin nan gastonan structura manera pago di hipoteca, auto, logicamente servicionan di utilidad, pues acomoda tur entrada (cu pa añanan no ta aumenta den sector priva) na costonan mas halto, no ta facil pa ningun hende cu ta biba di un salario.

Corda di esnan cu ta gana salario minimo of ta biba di bijstand. Y pa colmo den e temporada cu tin graduacion di muchanan di scol, y poco siman despues cuminzamento di aña escolar, pues tur cos tras di otro.

Un situacion cu pueblo realmente no a spera, pero cu lamentablemente nos tur mester bay confronta y ta confrontando caba pasobra abuso di prijs tey caba, y si tin control e consumidor no ta mire at all.

- Advertisement -

DUNA COMENTARIO

Please enter your comment!
Please enter your name here