Home Comercio Tin gruponan cu no ta hayando trabao pa motibo di educacion

Tin gruponan cu no ta hayando trabao pa motibo di educacion

216
0
SHARE
- Advertisement -

Michelle de Groot director ATIA:

ORANJESTAD (AAN) – Den entrevista cu nos redaccion, Michelle de Groot, director di ATIA, a expresa cu a yega ora pa cuminza educa nos gruponan cu no ta hayando trabao pa motibo di educacion.

Esaki ta un tema cu ATIA a trata cu minister di Labor, Sr. Glenbert Croes, despues di a mira un proyecto di SENA na Colombia.

ATIA ta wak e oportunidad di trece trainingnan pa ofrece na Aruba pa hisa e nivel di educacion di cierto gruponan. En berdad ta wak cu den e mercado laboral tambe ta eherce trabaonan mas simpel, pero si upgrade e grupo ey, ta mehora e salario y e calidad di bida tambe.

Esey ta e direccion cu ATIA tin pensa di bay, den un cooperacion cu SENA pa ofrece un curso den varios area y esey ta un di e puntonan cu lo kier trece.

A trece e topico aki cu minister Glenbert Croes y e ta hopi interesa di reuni cu e grupo aki, pa wak kico e oportunidadnan aki ta enberdad den esey.

Na Aruba tin Enseñanza pa Empleo, cu ta wordo subsidia door di gobierno, pero tin ora tin e sentimento cu e ciudadano mes no ta duna di su parti, pa cual ATIA lo por yega na un areglo cu gobierno pa e departamento aki ta mas activo, pa yuda e grupo di hende cu ta buscando trabao.

ATIA a papia cu un di e conseheronan di e minister di Educacion y nan ta tratando e tema aki mes.

Segun Sra. de Groot, Enseñanza pa Empleo ta ofrece cierto cursonan, pero no semper ta cursonan cu ta sluit aan riba e mercado laboral y esaki ta un investigacion cu ATIA ta haciendo actualmente, di kico e mercado laboral mester y e ora ey ta trece e trainingnan.

Pa tin un miho coordinacion entre e cursonan y e mercado laboral. Aworaki e ta mas dirigi riba peticion cu loke ta e demanda. Asina sra. de Groot, director di ATIA a indica.

 

- Advertisement -

DUNA COMENTARIO

Please enter your comment!
Please enter your name here