Home Turismo Tisa LaSorte indicando cu e ta cla pa su reto nobo na...

Tisa LaSorte indicando cu e ta cla pa su reto nobo na AHATA

99
0
SHARE
- Advertisement -

ORANJESTAD(AAN): Tisa la Sorte ta contento cu su nombramento como CEO di AHATA. Esaki ta un reto importante. El a splica cu su añanan na Bucuti & Tara Beach Resort unda el a siña hopi y ta spera tur loke el a siña e por uza den su posicion nobo.

E ta sinti pa awo e ta den un posicion cu e por contribui na Aruba en general y yuda e miembronan di AHATA pa haya un futuro sostenibel.

AHATA ta crucial pa e necesidad na Aruba. Loke ta crucial ta pa tin cooperacion. Loke ta crucial ta pa traha hunto pa bienestar di un industria, cual ta e pilar di Aruba su economia. E ta haya ta importante pa haya e solucionnan cu tur mester pa e ta sostenibel.

Como hotel Bucuti tin bon experiencia den su afiliacion. Como hotel nan ta miembro di comienso y ta mira e balor pa tin un asociacion unda tur ta traha hunto, coopera hunto pa bin pa un solucion di e industria.

Dia 18 di Juni Tisa La Sorte lo cuminsa como CEO. E tin hopi trabao ainda pa haci na Bucuti.

No a papia tur detaye, pero di loke a compronde cu Jim Hepple ta hopi contento di tuma un posicion di profesor na Universidad di Aruba. E ta bay yuda ainda nos industria di turismo, door di lanta un generacion nobo di hende cu ta bay traha den e industria. E ta keda un persona clave den e industria na Aruba.

E hendenan cu ta traha den turismo, ta hende cu tin hopi pasion pa turismo, pa Aruba, pa hende en general y pa servicio. Pero no ta facil pa haya hende pasobra den turismo e ta un trabao cu ta tuma hopi tempo. No ta semper facil pa haya hende pa traha den e industria. E ta e industria cu ta emplea mas hende na Aruba. Mester di generacion nobo cu lanta cu interes pa drenta y crece den e industria pa haya posicionnan halto.

Grito di necesidad:

Tisa La Sorte a splica cu na Bucuti tin hende cu ta keda hopi aña cerca nan como camarera. Pero toch tin un tiki turnover, cu ta tuma trabao otro caminda, ta bay otro hotel of hotel nobo ta habri. Pesey semper mester di mas hende. Tin un hende cu a cuminsa como un stagiaire, kende awo ta manager di reservation. Bo ta crece den compania y mester hende nobo pa drenta. Ta hopi crucial pa hende cu tin pasion y sabiduria pa drenta den e industria.

Depende di e posicion ta importa hende. Tin cierto posicionnan unda ta dificil pa haya hende local, manera un chef, un restaurant manager. Tin varios posicion cu por ta no tin na Aruba. Tin cu corda cu nos isla ta chikito. E forsa laboral na Aruba ta chikito y no ta semper bo ta haya den tur tipo di trabao bastante hende pa tuma tur e cuponan cu tin.

Awo cu La Sorte ta bay drenta, e lo determina e retonan. Tambe determina kico e miembronan ta sinti kico ta e prioridadnan. Esey ta su prome prioridad. Kico e miembronan ta bay pone como su metanan.

La Sorte ta spera cu den e posicion aki lo yuda tur miembro, incluyendo Bucuti.

 

- Advertisement -

DUNA COMENTARIO

Please enter your comment!
Please enter your name here