Home Policial Tragedia na lama ora boto a bolter na Bucuti

Tragedia na lama ora boto a bolter na Bucuti

1175
0
SHARE
- Advertisement -

ORANJESTAD  (AAN): Un dia familiar y di amistadnan a caba den tragedia, ora cu un boto local a bolter den area di Lagoen, na Bucuti, cu consecuencia cu un di esnan abordo a perde su bida.

Segun extra informe cu DIARIO a haya, e boto a sali for di e pier eynan y a bolter casi yegando e rif unda e famia tabata bayendo pa pasa e dia na e casita cu tin riba e rif.

Vocero policial, Lito Lacle, a splica cu pa 9’or y mey a drenta informe cu un boto a bolter. Un total di 19 persona tabata tin a bordo, di cual lamentablemente 1 dama a fayece.

Pa 10’or y mey, dr. Texier a constata morto di Filomena Miriam Lacle di 67 aña, casa cu e capitan di e boto Nelson Richardson. A transporta un baby cu urgencia pa hospital, pero danki na Dios el a reacciona.

A transporta tambe un otro dama cu maximo urgencia pa hospital, pero te asina leu no a haya feedback di esaki. Ta trata aki di un famia cu kier a pasa un dia alegre riba lama, cu lastimamente e tragedia a sosode.

Lacle ta gradici ambulance y brandweer cu a keda traha riba e diferente victimanan cu tabata tin, cu consecuencia cu e baby a logra reacciona y hiba hospital. Coleganan di ambulance a trata tur hende cu tabata tin mester di e tratamento necesario.

Personal di Renaissance Island a duna asistencia necesario pa yuda transporta e personanan aki pa pier. Tambe un famia riba lama,  a yuda transporta y logra scapa mas hende cu ta posibel. Danki na nan cu por a logra scapa e hendenan aki.

Varios boto a drenta accion mesora na momento cu esaki a sosode. Lacle a splica cu ta yen’e di orguyo cu hendenan normal ta bay over na yuda den e caso aki y transporta tur 19 pa canto. Lamentablemente un a fayece, pero e por tabata pio si no a haya e ayudo necesario di e personal di Renaissance Island y boto familiar.

E persona cu a fayece ta un persona ya grandi caba di 67 aña. E dama no por a wordo scapa pa su casa cu tabata maneha e boto. E motibo menciona pakico e boto a bolter ta relaciona cu ola grandi. E boto cu ta transporta pasahero pa e Submarino a pasa duro lanta ola. Ora e boto a bolter e capitan no a lora mes pa bin yuda esnan cu a keda den lama. Investigacion lo mustra kico a pasa precies. Ta trata aki di un boto tipo catamaran.

E ta duro pa despues di un dia asina dushi, cu e tragedia aki a sosode. Na famianan di e fayecida, ta extende un palabra di condolencia. Paz na su restonan.

 

 

- Advertisement -

DUNA COMENTARIO

Please enter your comment!
Please enter your name here