Home Labor Trahadonan di Caribbean Palm Village a pone trabao abao pa un ora

Trahadonan di Caribbean Palm Village a pone trabao abao pa un ora

15
0
SHARE
- Advertisement -

ORANJESTAD    (AAN): E situacion na Caribbean Palm Village a keda tenso. Segun presidente di sindicato STA, Diego de Cuba, e contrato colectivo di e compania aki, a caduca dia 31 di December di aña pasa.

Como sindicato responsabel a manda un peticion pa negosha e contrato colectivo nobo for di Juli 2017. Mester pidi esaki cu 90 dia di anticipacion.

A pidi mas cu 150 dia di anticipacion. Pa sorpresa di e sindicato a bin tende cu nan a traha nan presupuesto na Juni y a lubida di hinca placa den e presupuesto pa e contrato colectivo. Claro cu no ta kere den storia di Hans & Grietje, pero nan a hecha e baina aki.

Ta ki clase di doño di trabao bo ta. Bo sa cu bo tin un contrato colectivo pa bay negosha, bo mester pone placa un banda pa e contract colectivo pa bo empleadonan. Bo sa cu e situacion na Aruba no ta nada bon.

A manda un proposicion pa nan y November nan a bin cu un contra proposicion chiripero. E cosnan aki ta haci dolor, ora cu e hendenan aki ta strica cu placa y e trahadonan, practicamente ta pinda nan ta tira pa nan y e sindicato kier mira un cambio.

Nan kier mira cambio den e dianan cu nan ta traha. Nan kier pa traha cinco pa siman, ocho ora pa dia, manteniendo e salario cu nan tin y cu aumento riba dje. A bisa cu tur hende tin derecho di hiba un bida social sano y a ripara kico ta pasando riba nos pais aki pa falta di atencion pa nos famia, ta confrontando hopi problema social. Departamento social por bisa cuanto problema nos pais ta pasando aden.

E sindicato kier mira un miho CAO compara cu ultimo biaha.

Parce cu e hendenan aki no ta compronde of no kier papia papiamento. Tin varios di nan tin hopi tempo bibando na Aruba, pero no ta papia papiamento. De Cuba ta enfatisa cu nan mester bin na nan tino y gobierno mester baha fuerte riba nan. El a comenta cu for di awo padilanti nan lo negosha na Papiamento. Si nos como Arubiano, no defende nos papiamento, e ta muri poco poco.

E aña aki nos papiamento ta cumpliendo 15 aña y den horeca nan ta matando e poco poco. Lo pidi intermediacion di Mediador di Gobierno, abogado y minister di labor, pa wak si por yega na un entendimento cu e personanan aki y cera un contracto colectivo.

A manda e directiva un carta mas cu 7 luna pasa pa aumento general. Tambe nan kier dos dia liber den siman, cinco dia di trabao, 8 ora pa dia y no manera e ta awor aki. Awor aki ta kibramento di lomba. Awor aki nan ta trahando practicamente 6 dia pa siman. Tin ta traha 45 ora, tin 48 ora. Mester haci algo. Gobierno, minister Glenbert Croes, pone atencion na e cos aki.

Un yamada urgente ta bay na full e comunidad aki, no den sector hotelero so, pero den tur sector, construccion, etc. Unda cu ta pa e hendenan aki traha 40 ora pa siman, cinco dia, dos dia sigui liber, 8 ora pa dia. E bida social na Aruba, el a deteriora pa via di e cos aki. STA kier trece e cambio aki hunto cu e minister di labor.

E tin atencion pa e problemanan aki y lo traha fuertemente riba dje. E minister cu logra esaki, lo bay den historia tambe, pasobra aki no por sigui. E trahadonan aki merece un aumento, pio manera e situacion ta awor aki na Aruba.

Segun de Cuba, e manifestacion tabata pa un ora. A remarca cu no kier perhudica turismo tampoco. A pone puntonan cla y despues bay traha bek. Ta schakel abogado, mediador y minister y wak con leu ta yega.

 

 

 

- Advertisement -

DUNA COMENTARIO

Please enter your comment!
Please enter your name here