Home Comentario Trahadornan di Arubus no por renova nan CAO pasobra no por haya...

Trahadornan di Arubus no por renova nan CAO pasobra no por haya e director

22
0
SHARE
- Advertisement -

Tin fuerte indicacion:

ORANJESTAD (AAN) – Pa basta dia Matutino DIARIO ta hayando indicacion, cu e trahadornan di Arubus mester a keda cla cu nan CAO, for di December ultimo, pero esaki no a logra debi na ausencia di e director.

Aparentemente, e trahadornan no sa unda e director ta, y ni e sindicato tin idea di esaki. Mientras tanto tempo ta sigui core, nos ta na Mei caba y nada a wordo regla cu nan contrato colectivo.

Tin indicacion tambe cu e trahadornan no ta descarta e posibilidad di bin cu paro di labor, e ta nan derecho y e condicionnan cu ainda ta reina den e compania ta duna pa nan ta mas cu disgusta.

No obstante, aparentemente, sindicato a pidi nan pa wanta un poco mas.

Nan ta spera tambe cu Minister di Transporte tuma nota di e situacion aki. Nan ta sinti cu tin algo den Arubus cu ta mustra cu ningun gobierno cu sinta por resolve e problemanan di Arubus, cu ya caba ta manera algo structural y cronico.

Nan kier sa, logicamente, unda e director a bay y ta di con e ta ausente sin cu ningun hende ki caminda el a tuma.

Ta bon pa aclarea si, cu e informacion aki ta drentando pa simannan caba na nos mesa di redaccion, y cu diaranzon atrobe nos a haya yamada atrobe cu e mesun tema, pero no a logra confirma e informacion tampoco, pasobra nomber di trahador ta wordo pidi pa no bin dilanti den relato.

- Advertisement -

DUNA COMENTARIO

Please enter your comment!
Please enter your name here