Turistanan mester wordo mas informa cu pa ley no por core auto riba beach

    165
    0
    SHARE
    - Advertisement -

    Edith van der Wal presidente Turtugaruba Foundation:

    ORANJESTAD (AAN)—Edith van der Wal, presidente di Turtugaruba Foundation, a participa den e conferencia di prensa di gobierno, como invitado special pa elabora riba e periodo aki, cu ta esun di broeimento di turtuga cu ta bishita nos beachnan.

    Sra. van der wal a informa cu aworaki tin siete neishi di Drikil, cu ta den su pleno temporada y di cual tin cuater sorto, y tambe casi a cuminza cu e temporada di Kawama. Nan ta bin Aruba pa pone webo.

    E dama a menciona cu e neishi di Drikil ta tuma dos luna (di 60-pa 70 dia) pa broei prome cu e chikitonan ta sali.

    Aworaki e hembranan Drikil ta drenta y ta posible tambe cu e Kawama ta cuminza.

    Sra. van der Wal a señala cu tin problema cu turtuga rond mundo. Tambe na Aruba. Un di e problemanan ta e coremento riba beach, y esaki no ta un problema nobo pero di hopi aña caba. E ta corda cu DOW na aña 2000 of 2001, a pone bloki por ehemplo na Arashi, pabao di e faro, pa evita autonan core te lama. Esaki a yuda pa hopi tempo, pero na Aruba tin hopi beach cu hendenan no ta respeta.

    E dama a señala cu por wak un proyecto di ATA y AHATA, cu ta haci algo contra coremento riba beach pero esaki no ta wordo respeta.

    Sra. Edith van der Wal a expresa cu ta necesario pa bin cu medida pa respeta e beachnan no solamente pa e turtuganan pero pa naturaleza en general cu ta wordo daña hopi, y tin hende cu sa pero tog ta hacie.

    El a indica cu hopi di e turistanan ta sinti nan mes hopi culpable ora nan sa cu nan a core riba un beach cu eigenlijk nan no mag.

    Turtugaruba Foundation ta purba proteha y nan ta cana cada mainta pa wak unda e neishinan ta, y ta pone algo eybanda cu un señal y e ta wordo respeta.

    Sra. Edith tin un peticion pa pueblo di Aruba, pa comunidad tambe y tur hende cu ta traha cu turistanan splica nan cu coremento riba beach ta prohibi pa ley na Aruba, y cu esaki ta haci hopi daño pa Aruba y henter nos naturaleza.

    - Advertisement -

    DUNA COMENTARIO

    Please enter your comment!
    Please enter your name here