Home Comercio Ultimate Automobiles oficialmente a lansa e all new Jeep Compass riba mercado

Ultimate Automobiles oficialmente a lansa e all new Jeep Compass riba mercado

13
0
SHARE
- Advertisement -

ORANJESTAD  (AAN) — Ultimate Automobiles oficialmente ta lansa modelo nobo di Jeep riba mercado local. E Jeep® Compass 2018 ta expande e line-up di Jeep mundialmente.  E Jeep® Compass ta bin cu un combinacion di atributonan cu no tin pa iguala. Esaki nan ta inclui e capacidad legendario di ta un off-road 4×4.

E ta un SUV compacto, facil pa maniobra, cu motor avansa cu ta reduci consumo di gasolin di un manera drastico. Su diseño ta refleha calidad y estilo autentico Jeep®.  Su dinamica di maneho on y off-road ta superior pero tambe e ta trece cu ne tecnologia avansa y inovacion den seguridad.

Marcel Meenhorst, Sales Manager na Ultimate Automobiles ta comenta cu “Loke ta excitante pa cu yegada di e Jeep Compass Latitude, cual ta e modelo cu nos tin actualmente den nos showroom, ta obtenibel den version 4×4 y 4×2”.

Jeremy Hart, Regional manager di Chrysler, tambe tabata presente na Aruba, pa e momento aki y ta remarca di ta contento di por re-introduci e modelo bek den Caribe, pero totalmente rediseña y na un prijs hopi competitivo.

E legendario  ‘seven-slot- grille’ di Jeep ta presenta un propuesta mas nobo cu un area color preto cu liña di ‘chrome’ rond di cada un di e siete slotnan individual. Cu un interior sofistica y desaroya cu liña bunita, forma scultural y elementonan di diseño cu ta un refleho di e loke marca Jeep ta conoci pe manera, detayenan technico, calidad di material y tecnologia avansa.

Algun di e atributonan di e Compass cu ta resalta ta e.o. : capacidad cu ta combina 17 diferente opcion di powertrain pa eficiencia di consumo di gasolin. Opcion pa scoge entre un 4×4 of 4×2. Y sin duda algun pa e parti di seguridad cual ta e aspecto mas importante pa e marca Jeep, e Compass ta bin standard cu 8 airbags; Front Dual airbags, curtain airbags y tambe airbags den e sienta nan.

Ultimate Automobiles ta e agencia pa autonan marca Jeep, cu herencia legendario di mas di 75 aña. Jeep ta e SUV autentico y ta  lider di calidad y versatilidad pa e persona cu ta busca experiencia extraordinario riba caminda. Hasi nos un bishita, paso nos ta cla ta wardabo. Ultimate Automobiles ta situa na Sabana Blanco .

- Advertisement -

DUNA COMENTARIO

Please enter your comment!
Please enter your name here