Home Comercio Ultimo reunion entre Minister di Finanza y KvK a resulta exitoso

Ultimo reunion entre Minister di Finanza y KvK a resulta exitoso

7
0
SHARE
- Advertisement -

ORANJESTAD (AAN)  — E ultimo reunion di Minister di Finanza hunto cu Camara di Comercio y Industria di Aruba, a resulta exitoso, den cual, entre otro, a palabra tocante e situacion financiero y economico.

Asina e Minister encarga sra.mr. Xiomara Ruiz Maduro, a duna di conoce den entrevista cu nos redaccion.

Un di e puntonan ta e reforma fiscal, cual a bira tempo pa Aruba introduci esaki.

Decisionnan riba esaki no a concreta cu gobierno anterior, y gobierno sa cu esaki mester a bin. Pa esaki a busca experticio di IMF ken a brinda ayudo riba e parti legal pa wak kico Aruba por atende cun’e.

E deseo tabata pa bin cu un sistema nobo di e reforma dia prome di Januari pero e realidad ta cu gobierno tin solamente seis luna y ta hopi forza pa logra esaki. Toch nan ta keda haci tur posible a habilita esaki hunto cu KvK, cu tambe a trece ideanan pa por cambia cosnan den e sistema di belasting pa haci mas facil pa haci negoshi.

Banda di e reforma tambe Minister a trece algun proyecto riba e aspecto economico. Esaki ta pa yuda companianan mediano y chikito pa nan por saca cabes unda cu e 93% di nos economia basa riba nan.

P’esey tambe den locual ta bira fin di Juni hopi cos ta bay pasa den e parti economico, anto pa facilita ta trahando tambe riba e E-Investment Portal, unda cu negociante por regla tur e documentacion y permisonan.

Pa agiliza e proceso, tin un facilitador cu ta bini pa pone riba papel kico ta e parti fuerte di Aruba y e inversionnan cu por haci pa haci un matching mas miho

Na fin di Mei tur e stake holders ta invita pa bini hunto y den e caso aki SNBA , ATIA, KVK y tur esnan concerni riba e tereno economico na Aruba. Lo bin cu un politica economico, cual ta basa riba e maneho cu ta bay hiba. Lo bin cu un vision pa tur hende por traha cune.

Manera cu dianan pasa ta bin cu informacion mas concreto unda cu na Juni tambe ta bay tin un “Economic Summit”. Aki lo papia di e parti innovativo y asina ta bin cu un cantidad di actividad pa bay dilanti hunto cu e stake holders.

Pa ultimo, e reforma fiscal ta bin pero lo tuma tempo pasobra e ta algo grandi unda mester elimina cierto leynan anto bin cu leynan nobo. Despues di esaki, BBO no ta bay existi mas tampoco.

Esaki ta bay bira full un sistema grandi y p’esey gobierno ta pidi asistencia internacional riba esaki tambe, siendo cu ta un ehercicio basta extenso. Esaki ta decisionnan cu mester wordo tuma pa nos pais y cu ta necesario, segun Minister di Finanzas, Sra. Xiomara Maduro.

 

 

- Advertisement -

DUNA COMENTARIO

Please enter your comment!
Please enter your name here