Home Parlamento Un Minister di Husticia semper lo haya golpi, pero ta importante pa...

Un Minister di Husticia semper lo haya golpi, pero ta importante pa e tira mokete bek

17
0
SHARE
- Advertisement -

Parlamentario Alan Howell:

ORANJESTAD  (AAN): Diamars durante e conferencia di prensa semanal di fraccion di parlamento di POR, parlamentario Alan Howell a papia riba e caso di atraco recien, unda cu el a indica cu semper un persona cu a bira victima di un atraco ta keda cu un trauma.

Como cu el a hasi e trabao di polis pa varios aña, el a wordo confronta cu bastante di e casonan aki.

Howell a indica cu un minister di Husticia no por para tur acto criminal den un comunidad, pero ta importante pa e ‘tira mokete bek’.

“E cartera di Husticia ta uno cu no por briya cune, pero ta importante pa pueblo mira cu como un minister di Husticia bo no ta wordo intimida y cu bo ta percura pa ataca e problemanan aki cu ta pasa den nos comunidad”.

Esaki segun Howell, kende a ta duna Minister Andin Bikker palabranan di elogio, mirando cu como Minister di Husticia e ta buscando tur formula y tur conseho necesario cu e por haya, pa ataca e criminalidad y hibe  na e minimo cu ta posibel.

Tambe Alan Howell a menciona cu e ley di iniciativa cu e ta presentando pa loke ta castigo minimo pa casonan di atraco y abuso sexual, incluyendo pedofilia, ta algo cu e ta considera un contribucion for di Parlamento na gobierno, Minister di Husticia y Aruba en general. E ta un forma pa yuda combati criminalidad. E ley aki lo wordo presenta dentro di algun dia.

E parlamentario di POR na final a menciona palabranan di sosten den direccion di Minister Bikker,  pa e continua cu e trabou dificil di bringa criminalidad cu man duro.

- Advertisement -

DUNA COMENTARIO

Please enter your comment!
Please enter your name here