Home Gobierno
8
0
SHARE
- Advertisement -

Control riba construccion ilegal lo wordo aumenta

ORANJESTAD (AAN) — Departamento di Obra Publico ta informa pueblo di Aruba en general cu entrante 1 di juli 2018, nan departamento di Maneho y Supervision lo aumenta control riba construccionan ilegal, tanto construccion di vivienda of construccion di edificio comercial.

Na Aruba tin mas y mas construccion ilegal ta tumando lugar. Si bo persona tin un construccion cu ta construi sin permiso di construccion of e construccion a desvia di e permiso, bo persona  tin un construccion ilegal. Tambe si bo persona a cumpra un parcela cu tin un construccion riba dje, tambe ta ilegal si a construi e den pasado sin permiso.

Si bo persona no ta sigur si bo vivienda of edificio comercial ta legal, semper por pidi na nos balie di Supervision, informacion tocante e permiso y haya un copia.

Den principio construccionan ilegal mester a wordo basha abou of mester wordo legalisa. Legalisa ta posibel si bo persona pidi pa un permiso di construccion y e construccion ta cumpli cu e reglanan concerni of e construccion por wordo adapta na e reglanan.

Si DOW bin controla, y bo tin un construccion ilegal, bo lo haya un carta cu bo persona tin 14 dia pa entrega un peticion pa un permiso di construccion of basha e construccion ilegal abou. Si bo no uza e oportunidad aki, bo por haya 14 dia mas si bo tin un argumento valido pa no a cumpli, sino DOW lo desmantela e construccion riba bo risico y propio cuenta.

Pa pidi pa un permiso di construccion bo mester tin e siguiente rekisitonan.

 

Rekisito pa mapa cas

Mapa di cas (bestektekening),  2 copia;

Mapa di plan di ubicacion, (situatietekening) 1:1000 of 1:2000, 2 copia;

Mapa di hero (constructie-tekening) 1:20 y nan calculo (constructie-berekening), 2 copia;

Acto di notario, optierecht of un decreto ministerial di e tereno, 1 copia;

Un prueba legal di identidad;

Yena un formulario di DOW pa un permiso di construccion (bouwaanvraag), 1 copia;

Afls. 200,-  di retributie.

 

Rekisito pa edificio comercial

Mapa di edificio (bestektekening) 1:100,  4 copia;

Mapa di plan di ubicacion, (situatietekening) 1:1000 of 1:2000, 4 copia;

Mapa di hero (constructie-tekening) 1:20 y nan calculo (constructie-berekening), 2 copia;

Acto di notario, optierecht of un decreto ministerial di e tereno, 1 copia;

Un prueba legal di identidad;

Yena un formulario di DOW pa un permiso di construccion (bouwaanvraag), 1 copia;

Formulario di D.T.I. yena;

Afls. 200,-  di retributie.

 

Ta spera cu por a informa tur persona e pasonan necesario ora di entrega un peticion pa construi sea ta pa vivienda of edificio comcerial.

- Advertisement -

DUNA COMENTARIO

Please enter your comment!
Please enter your name here