Home Gobierno
61
0
SHARE
- Advertisement -

AVP a wordo prohibi di usa MFA Noord y pesey ta hiba gobierno Corte

ORANJESTAD(AAN): A haya e informacion cu si ta bon, diamars lo bay tin un actividad na MFA na Noord. Akinan AVP ta informa comunidad di Aruba riba diferente desaroyo di medidanan cu ta na caminda entrante dia 1 di Juli. Ya caba nan tabata tin un actividad na YMCA na San Nicolas, cu tabata tin un asistencia masha grandi mes, cu salanan yen, y esaki lo a sigui den e siman cu ta bin. Mientras tanto cu nan a cera un contract pa uzo di MFA na Noord, nan a wordo avisa cu nan lo no por haci uzo di e localidad na MFA na Noord pa motibonan politico.

Tabata algun siman pasa cu tabata tin un actividad di un otro partido politico, den e caso aki ta forma parti di coalicion, na MFA tambe, pero e actividad a bay normal. Mientras tanto, partido den oposicion tin un actividad pa papia cu pueblo y awor aki a haya nan mes den un situacion cu nan a haya un carta caminda cu ta kibra e contract cu a wordo firma y paga.

AVP ta buscando caminda pa corte. Lider di AVP, Mike Eman a expresa cu nan a wordo yama pa e hefe di bureau MFA cu ta e persona tambe cu a firma contract cun’e. Parlamentario Michael Lampe a bay y a cera e contract y ayera mes a anuncia e evento pa otro siman diamars.

Esaki ta algo totalmente inaceptabel pasobra un banda tin un contract. E partidonan ta mara, pero banda di esey tambe e argumentonan cu no por uza e luga pa motibo cu e ta un evento politico, no tin base. Dia 30 di Mei tabata tin un evento di partido RED celebrando su 15 aña na MFA Paradera y tambe durante campaña mes tabata tin actividad di otro partidonan politico, manera RAIZ mes a tene un forum na MFA na Noord. MFAnan a wordo uza pa anochinan di informacion y por mira cu ta puramente pa motibonan politico. Den esaki no ta culpa e director di MFA. Logicamente el a firma ayera. E hecho cu awe e tin cu hala atras, ta pa motibo di ordonan a bin di Aruba, e opinion mester a cambia. Esaki ta duna AVP motibo extra pa e reunion aki. Hopi apropiadamente si mira e convocacion di e reunionk ta papia di persecucion, ta papia di medida, pero tambe ta papia di sensura. Esey ta loke nos ta bibando cun’e na Aruba.

Por a mira caminda cu a persigui un periodista, cer’e inhustamente. A mira con diferente paso gobierno ta tuma, por ehempel recientemente cu canal 90, caminda cu e gobierno aki ta tumando tur dia un posicion mas autoritario, un posicion cu ta linea recta contra di un estado di derecho, un democracia manera cu kier na Aruba. Hopi hende ta biba den temor, pasobra e gobierno aki ta marca hende, kita hende for di trabao, ta marca medionan di comunacion cu nan no gusta, ta hiba casonan dilanti, pa persigui ciudadanonan cu pa añanan largo a papia libremente, expresa su mes criticamente riba hopi personalidadnan di gobierno. Awo por mira cu placa di gobierno ta wordo uza pa paga abogado pa cera boca di gobierno. E ta duna un indicacion hopi preocupante di un gobierno autoritario, dictadura, sensura y naturalmente no por acepta esaki. Di biaha ora cu haya e carta a acudi tambe na abogado y abogado ta bay entrega mañan mainta un peticion pa un kortgeding pa asina mas lihe posibel por haya un veredicto di hues, mirando cu tin un contract. Awo ta den man di hues, pero mirando e urgencia, pasobra e evento ta diamars y mirando cu a anunci’e caba y tambe mirando cu tin un contract, cual ta firma y ta legitimo y mirando cu gobierno ta uza e escusa cu no por tene un evento politico den MFA, no ta cuadra cu e consistencia di e trato igual cu tur partido mester tin. Ey por mira cu aki atrobe gobierno no ta sigui e mesun liña.

Por ehempel e caso di Robert Maduro cu mainta tin programa na Canal 90, a wordo para. Y sa di otro locutornan na otro radio cu si a sigui. Por mira un liña consistene di sensura, di descriminacion, di persecusion cu ta sumamentr dañino pa Aruba, los di e tema di e anochi cu ta e medidanan, tin henter nos comunidad preocupa, e puntonan aki tambe ta añadi na e preocupacion di nos comunidad cu e direccion cu e gobierno aki ta hibando nos pais no ta e direccion cu ta desea. Hunto tin cu para firma pa cambia e direccion aki y pa asina Aruba por respira atrobe e aire di democracia, di expresion liber y un pais cu ta progresa y nos ta bayendo atras.

- Advertisement -

DUNA COMENTARIO

Please enter your comment!
Please enter your name here