Home Policial A confisca 100 kilo carni ilegal di Cabrito na Santa Cruz

A confisca 100 kilo carni ilegal di Cabrito na Santa Cruz

515
0
SHARE
- Advertisement -

E animalnan no a wordo mata via Abattoir

ORANJESTAD (AAN): Un unidad di Polis di distrito Santa Cruz riba Dialuna anochi a worde dirigi na Weng Kee Supermarket relaciona cu informe na unda un personal di Veterinario Dienst tocante carni cabrito no ta bon pa consumidor.

E rapport oficial di Polis ta indica, cu agentenan na yegada a papia cu e funcionario di inicial L., y el a laga sa cu e ta Keurmeester na Servicio Veterinario di Aruba.

  1. a declara cu durante control na e localidad en cuestion a haya mas o menos 100 kilo di carni Cabrito den “Cooler”.

E Keurmeester a constata cu e carni no a worde  controla ni inspecciona via di Abattoir, pero parce cu ta via di un tercer persona a cumpra y trata na re-bende cu consumidornan.

Ademas e Keurmeester L. a declara tambe cu e ta bay confisca como 100 kilo di carni cabrito y tambe lo destrui esaki.

Despues a papia cu e doño di Supermarket, e comerciante di inicial W., el a duna declaracion cu e carni aki el a cumpra for di dos persona. E no tabatin dispone sinembargo di informacion di e hombernan.

E caso aki ta uno serio, pasobra bo no por hunga cu salud publico di e forma aki.  Cumprando carni di un canal no-oficial, cu no ta un importador of esnan cu wordo mata/prepara via abattoir, ta ilegal.

Pesey mes, Recherche di Santa Cruz a worde notifica pa asina cuminza cu investigacion hudicial rond di e asunto aki.

- Advertisement -

DUNA COMENTARIO

Please enter your comment!
Please enter your name here