Home Comercio Aerolinea Dominicano nobo ta cuminza bula otro siman pa Aruba

Aerolinea Dominicano nobo ta cuminza bula otro siman pa Aruba

93
0
SHARE
- Advertisement -

ORANJESTAD (AAN): Desde cu e aerolinea PAWA a stop di bula na Republica Dominicana, practicamente e cantidad di asiento entre Aruba y e pais di Merengue a keda masha limita mes.

Ta un aerolinea chikito so a keda ta operando vuelo entre Aruba y Santo Domingo, y constantemente e vuelonan tabata yen.  Demas pasaheronan a haya nan obliga na bula via e.o. Panama cu Copa, of Bogota cu Avianca, y hasta via Miami cu American Airlines.

Pero entrante Dialuna awor un aerolinea nobo lo cuminza bula.  E aerolinea Dominicano, Air Century ta lanzando vuelo nobo pa Aruba y Curacao, usando nan avion Saab 340.   Esaki ta un avion Turboprop di 2 motor, cu tin 34 asiento.

E vuelonan lo ta saliendo for di Aeropuerto Internacional El Higuero, La Isabella.  Esaki ta como 10 kilometer panort di centro di Santo Domingo.

Vuelonan pa Aruba ta pa 2:00 den oranan di merdia, y ta riba Diamars y Diadomingo.  E avion lo yega aki pa 4:00 pm.   E avion lo regresa Republica Dominicana pa 5:00 pm.

E vuelo inaugural mes lo ta Dialuna awor pa Aruba.

E Aerolinea lo ta bulando pa Curacao tambe, y esaki ta cu 3 vuelo semanal mainta, esta Dialuna, Diaranzon, y Diabierna.

Nan ta bulando pa St. Maarten tambe riba Dialuna, Diaranzon y Diabierna den oranan di merdia.

- Advertisement -

DUNA COMENTARIO

Please enter your comment!
Please enter your name here