Home Comercio Aeropuerto di Aruba ta yama bonbini na servicio nobo di TUI pa...

Aeropuerto di Aruba ta yama bonbini na servicio nobo di TUI pa Aruba for di Brussels, Belgica

266
0
SHARE
- Advertisement -

ORANJESTAD (AAN): Aruba Airport Authority N.V. (AAA) ta contento di por a yama bonbini na TUI su prome buelo for di Brussels, Belgica pa Aruba dia 15 di Juni, 2018.

For di Oktober 2017  TUI a anuncia cu e aerolinea lo introduci e buelo nobo for di Brussels pa Aruba den 2018.

TUI a añadi e buelo nobo aki ariba Diabierna cu a sali for di Brussels pa Santo Domingo y despues a yega Aruba 1:45 di atardi.

AAA su Air Service Development Manager, Sra. Jo-Anne Arends a bisa cu Aeropuerto di Aruba ta hopi contento, satisfecho y orguyoso di por tabata parti di e ekipo cu a haci e buelo nobo bira realidad. “Conectando Aruba cu mas destinacion no ta nifica solamente rutanan nobo pa Aruba, pero lo nifica coneccionnan nobo despues di e destinacion den e mercado Europeo.

E buelo di Aruba pa Brussels lo ta directo y a sali 3’or di merdia cu nan Dreamliner Boeing 787.

TUI ta un partner solido di Aeropuerto di Aruba pa 13 aña caba y e servicio nobo aki ta muestra cu e relacion lo sigui pa hopi tempo mas.

- Advertisement -

DUNA COMENTARIO

Please enter your comment!
Please enter your name here