Home Social Agencia di pensioen Montae ta habri su portanan na Aruba

Agencia di pensioen Montae ta habri su portanan na Aruba

44
0
SHARE
- Advertisement -

ORANJESTAD(AAN)— Diabierna ultimo Montae, e agencia di pensioen operando na Hulanda y area di Caribe, a inaugura nan oficina na Aruba. E oficina ta bao guia di Solange Denters,naci na Aruba y specialisa den e tema di pensioen. E aperture di e oficina na nos isla ta e di cinco oficina pa Montae y ta haci esaki e di dos oficina den e area di Caribe.

“Nos a scoge pa Aruba pa asina nos por atende e cantidad di cliente cu ta creciente. Nos a ripara tambe cu nos clientenan ta contento cu nos tin un oficina na Aruba”, Montae partner Margo Lelieveld ta splica. “Cu un oficina na Aruba y e apoyo di ochenta profesional di Montae na Hulanda y Corsou nos por ofrece un escala grandi na servicio.”

Branch manager Solange Denters, cu a caba su educacion universitario na Hulanda, tin diez aña di experiencia den e sector di pensioen. “ Den e area di pensioen tin hopi posibilidadnan. Montae ta na Hulanda y den Caribe e lider riba e mercado di management support relaciona cu pensioen.

Na Aruba tambe  ta ofrece e servicio aki. E experiencia amplio cu Montea tin den esaki ta sali nos di bon. Montae tin un tremendo cartera di cliente entre e fondonan di pensioen na e islanan.  Ami lo continua cu engrandece esaki asina nos lo por conseha tambe e doño di trabao, companianan di seguro y departamentonan di gobierno.”

E servicio amplio di Montae ta evidente den e conseho cu ya e ta duna na su clientenan den e area di Caribe: management support, actuariaat, comunicacion, risk management, manejo di capital y gobernacion. Montae den e ultimo añanan a desaroya su mes como e specialista riba e terenonan aki.

Cu e lanzamento di e di cinco oficina e compania ta enfatisa e importancia pa tin representantenan local. Pa engrandece e lasonan cu e clientenan local Montae a tene un apertura festivo na e oficina riba 1 di juni.

 

- Advertisement -

DUNA COMENTARIO

Please enter your comment!
Please enter your name here