Home Ciencia y Tecnologia Alcohol ta haci bida mas cortico

Alcohol ta haci bida mas cortico

142
0
SHARE
- Advertisement -

Segun Erasmus University Medical Center di Rotterdam

ORANJESTAD   (AAN):  Hende cu ta bebe menos alcohol of no ta bebe mes, ta biba mas largo. Hasta un of dos glas di alcohol pa siman ta contribui na e deterioro di salud di hende. Esaki ta loke un grupo di scientificonan rond mundo a descubri  incluyendo e investigadornan di Erasmus University Medical Center.

 

No tin un limite minimo

E nutricionista Sra. Trudy Voortman na Erasmus Medical Center su departamento di Epidemiologia ta afirma: Contrario cu locual hende hopi biaha ta pensa, aparentemente no tin un limite minimo pa consumo di alcohol cu ta safe. Ni hasta pa enfermedadnan cardiovascular. Den e studio a constata cu alcohol ta aumenta e riesgo di haya stroke, atake di curason, e ta subi presion den sanger y tambe ruptura di aorta.

 

Un Estudio Mundial

E investigadornan a studia salud di mas di 600,000 hende di 19 pais rond mundo relaciona  cu nan habito di bebemento di alcohol. Mita di e cantidad di hendenan aki a bebe mas cu cinco pa seis glas di alcohol pa siman.

 

E efecto: bida mas Cortico

Despues di analisa e efectonan e investigadornan a conclui cu cu e hendenan aki  ta biba seis luna menos cu esunnan cu no ta bebe alcohol mes.

E personanan cu ta  den nan 40 aña cu ta bebe mas cu 20 glas di alcohol pa siman ta biba un average di 5 aña menos, cu nan compañeronan cu ta bebe moderadamente. Recientmente tambe scientificonan na Inglatera a conclui cu Alcohol ta un causa directo di siete forma di cancer. E analisis ta implica alcohol den e desaroyo di cancer di pecho, higra y varios otro tiponan di cancer y ta informa cu hasta consumo modera ta crea riesgo.

Profesor Ketan Patel : “Tin evidencia hopi fuerte cu alcohol ta causa daño ireversibel tambe na un hende su DNA, incluyendo na e celulanan hopi importante cu ta traha e tehidonan, Stem cells.  Cientificonan ta spera cu e publicacion di e investigacionnan aki ta conduci na hende considera habitonan mas saludable pa biba mas largo y saludabel.

- Advertisement -

DUNA COMENTARIO

Please enter your comment!
Please enter your name here