Home Gobierno Algun bankero tin temor cu Dollar lo por bay costa awor rond...

Algun bankero tin temor cu Dollar lo por bay costa awor rond di AFl. 1,92

475
0
SHARE
- Advertisement -

ORANJESTAD   (AAN): Despues di a sali bisa na un prome instante cu tabata “Fake News” y despues di un atake frontal contra e banconan, diaranzon Minister Xiomara Ruiz-Maduro a topa cu Asociacion di Banconan di Aruba (ABA) hunto cu e organisacion di comercio di Aruba, ATIA, pa atende e sistema di impuesto nobo, BBO-BAZV-BAVP. Durante e reunion tabatey tambe Departamento di Impuesto di Aruba, esta DIMP.

Minister Xiomara Ruiz-Maduro a inicia e reunion pidiendo despensa cu e no a reuni cu e gremio comercial y bancario prome cu anuncia e cambio den structura di cobranza di BBO. Tambe el a pidi despensa pa e forma con el a ataca e banconan, pero a culpa prensa cu a saca e noticia “prome cu ora”. E mandatario ta kere cu tabatin un mal comprendemento y bruhacion den nomber di e impuestonan y servicionan cu banco lo cobra BBO riba dje.

E reunion a sigui den bon ambiente. Por conclui cu Gobierno no tabata suficiente prepara pa e cambio den ley y no a tene cuenta cu repercusion di e cambio di ley. Lamentablemente no a papia cu banconan (ABA) prome pa por tin un miho idea di kico ta come y bebe den e sector financiero y bancario.

E ehecutivonan di banco comercial a splica e Minister di Finansa cu e ley manera cu e ta awo, lo debilita e posicion di nos florin banda di e dollar. Mester corda cu pa mayoria transaccion y compra den exterior, mester converti florin na dollar y lo mester paga BBO riba e comision cu banco ta cobra y despues atrobe riba e “fee” pa haci e transaccion internacional. Ta premira cu na final e dollar lo por costa mas o menos Afl. 1,92 pa cada dollar!

Banconan a conseha Gobierno pa draai e decision bek. Si ta placa Gobierno kier, esaki no ta forma. ABA a mustra cu Gobierno por mantene e excepcionnan pero Gobierno introduci un impuesto riba ganashi solamente riba banconan. A keda di bay pense y bin bek.

 

- Advertisement -

DUNA COMENTARIO

Please enter your comment!
Please enter your name here