Home Actividad Especial Andrea Vahl lo ta na Aruba pa E-Aruba Seminar

Andrea Vahl lo ta na Aruba pa E-Aruba Seminar

24
0
SHARE
- Advertisement -

ORANJESTAD (AAN): Den Renaissance Convention Center diasabra 9 di Juni 2018 lo tuma lugar e di tres E-Aruba Business Seminar. Durante e dia lo tin oradornan cu diferente topico manera mercadeo digital pero tambe tecnologia di awo y futuro.

Un di e oradornan for di Merca ta Andrea Vahl. Vahl ta un ‘Social Media Cosultant” cu un trayectoria grandi den mundo di mercadeo. Andrea lo elabora riba strategianan di mercadeo via facebook y Instagram.

Apart di biaha rond mundo Andrea Vahl ta un Social Media Speaker y Consultant kende ta pasiona den yuda negoshinan compronde y probecha e poder di social media pa actualmente engrandece nan negoshi.

Andrea ta co-autor di Facebook Marketing All-in-One for Dummies y tabata Community Manager pa Social Media Examiner, pa mas di 2 aña. A nombr’e como un di e 50 Favorite Online Influencers di 2014 riba Entrepreneur.com, 21 Best Blogs That Will Help You Grow Your Business riba Inc.com na 2016 y Top 30 Women of Social Media pa Boom Social.

E ta co-fundador di Social Media Manager School, un programa di enseñansa online cu mas di 1400 studiante.

E-Aruba Business Seminar lo tuma lugar for di 8 or di mainta ora portanan di Renaissance Convention Center habri y pa 9 or e promer presentacion lo cuminsa. E lo sigui te cu 2 or di merdia. Carchinan ta obtenibel na Superfood, Office Systems y online via www.e-aruba.com.

E-Aruba ta worde presenta pa Digicel, VCC International cu Payroll Pro, Aruba Airport Authority, Kooyman BV, Aruba Renaissance Resort, CATC, Bold Bizz, Coldwell Banker, Hertz Lease, Click Print y Elite Productions.

 

- Advertisement -

DUNA COMENTARIO

Please enter your comment!
Please enter your name here