Home Actividad Especial ANOCHI INFORMATIVO FUNDACION DISLEXIA

ANOCHI INFORMATIVO FUNDACION DISLEXIA

6
0
SHARE
- Advertisement -

ORANJESTAD(AAN)– Diaranzon awor , dia 27 di juni tin un anochi informativo  na Bibliotec anacional den George maduro Straat tocante Dislexia.

Dislexia, ki sorto di trastorno e ta?

Hopi biaha mayor ta puntra nan mes dicon nan yiu tin problema na scol pa siña. Nan sa haya e contesta cu sea e yiu ta floho of demotiva of, simplemente, cu e no por siña y varios otro cos mas. Pero loke realmente ta e problema hopi biaha nunca e mayor no ta haya sa. E poconan cu, tal bes, si ta haya sa, ta bin tende di cierto causa cu nan ta defini cu un palabra cu ta basta desconoci pa nan: Dislexia. Pero, kico esaki ta nifica y kico nan mester haci awo? Pa algun mayor esaki ta bira un problema grandi, pasobra hopi mayor no sa kico exactamente mester haci den un situacion asina. Hopi biaha e scolnan no ta prepara pa esaki tampoco y nan no ta dispone ni di e informacion ni di e material pa por duna un guia na e alumno(nan) cu ta sufri tal defecto. Consecuentemente, e alumno ta cay atras den su lesnan y den su siñansa, y ta yega cierto momento cu nan ta manda e alumno na un scol di enseñansa special. Mayoria di e alumnonan aki, lamentablemente, no ta logra bolbe haya entrada den enseñansa regular y nan ta keda den e trayecto di enseñansa special aki, pa despues nan bay busca un trabou cu talbes no ta cuadra cu nan potencial y cu, te hasta, no ta uno cu ta brinda nan e bon futuro cu nan merece. Kico ta nifica ora un persona tin dislexia? Esaki ta nifica simplemente cu e persona ey ta siña cos di manera diferente, pero esey no kiermen cu e persona ey tin un inteligencia (mas) abou. Hopi biaha e personanan aki ta sumamente inteligente, pero nan ta observa, mira y siña cos na un manera diferente. Pa tal motibo, tanto maestro, scol como e autoridad competente mester ta prepara y ekipa pa duna e personanan aki e miho acogida y amparo posibel.

Fundacion pro Persona cu Dislexia ta un fundacion cu a keda lanta dia 21 di februari 2013 door di un grupo di persona preocupa cu e problematica di dislexia aki na Aruba. Segun su statuto e obhetivo (of meta) principal di Fundacion pro Persona cu Dislexia ta: Salvaguardia e derechonan di persona cu dislexia (trastorno cu lesamento) en particular y di persona cu discapacidad en general den comunidad Arubiano y otro caminda, den e sentido mas amplio di e palabra. Tambe salvaguardia tur loke ta relaciona directamente of indirectamente cu un ke otro of cu por ta beneficioso pa logra e obhetivo (meta), den e sentido mas amplio di e palabra.

Con un mayor of tutor por sa si su yiu(nan) tin dislexia? Tin varios cos cu por duna indicacion di e problema aki. Pa por haya mas informacion tocante e topico aki Fundacion pro Persona cu Dislexia ta invita tur hende interesa, particularmente esnan cu ta pensa cu nan mes of cu nan yiu(nan) (por) tin dislexia, na un atardi/anochi informativo diaranson dia 27 di jumi 2018 pa 5.30 or na Biblioteca Nacional Aruba na George Madurostraat na Playa. Durante e atardi/anochi aki lo presenta miembro di e directiva actual di e fundacion y tambe lo busca pa haya miembro nobo pa e directiva, cu a pone como meta su dilanti traha pa tur persona cu (por) tin dislexia, particularmente traha conhuntamente cu e mayornan cu nan yiu tin problema pa siña (pa via di dislexia) y yuda tanto e mayornan como otro persona interesa cu mas informacion posibel tocante e trastorno aki. Ta e mayornan ta esnan cu tin den nan man e futuro di nan yiu(nan). Cu pasenshi y bon guia nan por yuda nan yiu pa ta mas sigur di su mes. Un bon contacto cu scol y siñamento encuanto e parti di enseñansa aki ta yuda nan, como mayor, contribui na e conocemento escolar di nan yiu(nan). Tur mayor, docente y pueblo en general ta keda cordialmente invita pa asisti na e atardi/anochi informativo aki diaranson dia 27 di juni 2018 na Biblioteca Nacional Aruba na George Madurostraat na Playa pa 5.30 or.

- Advertisement -

DUNA COMENTARIO

Please enter your comment!
Please enter your name here