Home Social Payroll Pro HRM tambe tabata presente na e exitoso seminario di E-Aruba

Payroll Pro HRM tambe tabata presente na e exitoso seminario di E-Aruba

15
0
SHARE
- Advertisement -

ORANJESTAD (AAN): Den fin di siman cu a pasa a tuma lugar e di tres edicion di e E-Aruba Business Seminar na Renaissance Convention Center. Payroll Pro HRM, cual tabata platinum sponsor di e evento aki, tambe tabata presente durante e seminario. Durante e seminario tur e participantenan por a ricibi informacion tocante Payroll Pro HRM incluyendo e Employee Portal y Manager Portal di Payroll Pro.

Payroll Pro HRM ta ofrece solucion pa e necesidadnan di payroll y HR pa tur organizacion di un manera integra y eficaz. Ademas, Payroll Pro HRM ta conta cu e Employee y Management Portals. E portals ta web-based applications cu ta satisface e necesidadnan di HR pa empleadonan y managers.

Tin funcionan basico unda cu empleadonan di un compania por download y print nan payslips y loonopgaves nan mes. Pa e managers tin e funcionan cu ta duna e opcion pa aproba of rechaza vakanties y demas solicitud. E portals por worde usa tambe pa verifica informacion personal.

Bert Vermaas, director di VCC International cu ta distribuidor exclusivo di Payroll Pro HRM na Aruba, Bonaire y Curacao, ta splica: “Nos ta hopi contento di por ta presente durante e seminario di E-Aruba, cual ta uno sumamente interesante y cu un cantidad grandi di participante. Nos a logra comparti nos producto y servicio cu tur esnan presente. Nos ta hopi satisfecho cu nos por ofrece Payroll Pro HRM na nos clientenan na Aruba, Bonaire y Curacao.

E modulonan di Payroll y HRM ta integra y ta duna solucionan eficiente na e necesidadnan di payroll di organizacionan grandi y chikito. E portals ta applications cu un cantidad grandi di beneficionan pa empleadonan y managers, cu ta accesibel via diferente aparato – computer, telefon, tablet, etc. – door cu e ta online.”

Tabata tin un interes hopi grandi na e seminario pa Payroll Pro y tin diferente compania caba cu ta hopi entusiasma pa ricibi un bishita di parti di VCC International pa por haya mas informacion tocante Payroll Pro HRM.

Payroll Pro HRM y VCC International ta ofrece e organizacion encarga cu E-Aruba Business Seminar 2018 un pabien pa e bon seminario y un danki pa duna nan e oportunidad di participa den e seminario.

 

- Advertisement -

DUNA COMENTARIO

Please enter your comment!
Please enter your name here