Home Comentario Aplicacion pa evalua calidad

Aplicacion pa evalua calidad

31
0
SHARE
- Advertisement -

Remitido

E informacion den prensa cu un Minister ta introduciendo un aplicacion pa evalua calidad di servicio di dokternan di cas sin duda ta un bon iniciativa.  Pero pueblo por puntra su mes si un iniciativa  asina no ta wordo discuti prome den Gobierno pa mira si e bon iniciativa aki no por a wordo tuma over pa evalua tur servicio di Gobierno.

Si Gobierno a provecha di e bon iniciativa aki , anto e aplicación aki por a worde diseña di manera pa uso general pa tur hende  pa tur servicio di Gobierno. Realidad ta cu cada servicio tin su particularidadnan , pero toch un aplicación pa uso general lo a duna  Gobierno un bon bista cua servicio merece un evaluación mas specifico.

Mirando situación financiero di Aruba ,awor aki pagadornan di belasting ta core e riesgo di tin cu bay paga mas belasting, pasobra cada Minister lo ke bay desaroya su propio aplicación pa evalua e servicionan cu ta cay bao di dje.

Gobierno mester cuminsa realisa cu no sin mas mester sigui permiti malgastamento di placa pa cada novedad, con bon cu e por ta, cu un Minister ke introduci. Cosnan bon Gobierno mester introduci pa tur servicio di Gobierno, permitiendo cada Minister  aporta cu su ideanan.

Ta Gobierno mester introduci/paga pa e aplicación aki of AZV?

 

rsarends@hotmail.com

- Advertisement -

DUNA COMENTARIO

Please enter your comment!
Please enter your name here