Home Ciencia y Tecnologia Armando Curet di CAP: E boramentonan a start

Armando Curet di CAP: E boramentonan a start

355
0
SHARE
- Advertisement -

ORANJESTAD   (AAN): Desde cu e contract a wordo firma, stap pa stap Repsol a bin ta ehecuta trabaonan cu e tin cu haci a base di e obligacionnan den contract. A haci e sismica 2D, despues sismica 3D. Despues a haci algun trabao adicional geokimico y heatflow. Asina cada biaha cu mas informacion, nan a sigui evalua e aspectonan tecnico y economico di e proyecto y conhuntamente cu un partner cu ta Total, nan a dicidi pa haci un proefboring cu ta un obligacion di fase 3 di e periodo di exploracion, segun Armando Curet, director di compania Arubano di Petroleo. Esey ta tumando luga awor aki. A cuminsa cu e trabaonan pa haci e proefboring.

 

Con leu e ta

Pa interpreta loke ta pasando, por compara construccion di un edificio grandi. Bo ta pone e fundeshi y basicamente ta loke ta wordo haci awor aki, ta pone e fundeshi di e pos aki. E prome parti ondiep, unda tin cu pone tur e ekipo pa tin precaucion pa proteha e pos, pa por cer’e den caso cu mester. E trabao aki ta loke a caba di wordo haci. Por bisa cu awor aki e boramento pa yega na e obhetivonan, awo e ta bay start.

 

Resultadonan

A base di nos leynan y a base di contract tin obligcion pa reporta diariamente y semanalmente. Esey ta tumando luga. Por imagina cu tin cu compronde cu esaki ta informacionnan cu ta cay bao di cierto confidencialidad. No ta cos cu ta bay comunica.

 

Fase

E contract mes pa loke ta trata henter e contract, cu tin un fase di exploracion. E parti di exploracion aki mes ta parti den cuater periodo. Tin periodo di exploracion y den e periodo di exploracion, tin cuater fase. Awo ta den e di tres fase, unda cu tin un proefboring. Den un di cuater fase por tin un otro proefboring. Si dicidi esey, ta depende di e resultadonan di e proefboring aki. Si tur cos bay bon cu tin descubrimento, na fin di periodo di exploracion, ta bay tin un periodo di appraisal, pa wak con grandi berdad loke a descubri, si e ta economicamente factibel, etc. Despues di esey ta yega na un declaracion di comercialidad. Si tin comercialidad. For di e momento ey bo ta bay desaroya e veld. Despues di e periodo aki, ta start produccion.

 

Duracion

Esaki por dura bastante aña. Tin cu tene cuenta cu ta lama hundo. Si mester bay pone un plataforma di produccion, mester bay construi e plataforma. No ta algo cu bo ta yega cumpra of bestel. Tin cu bay diseñ’e, tin cu bay construye. E lo dura algun aña, depende ki bo ta haya. Si ta bay haya azeta, tin un mercado p’e caba. Si ta gas natural, e ora tin cu bay no solamente busca un mercado, sin construi tur e facilidadnan pa por transport gas cu bo tin cu bay purifica. Asina ta si tur cos bay bon, asina mes ta bay dura algun aña prome cu por tin generacion di entrada, tanto pa e compania, como pa estado.

 

E hecho cu ta asina leu caba for di un frontier area, unda cu tin masha tiki informacion geologico ainda, e trabaonan a sigui progresa, ta asina leu cu en todo caso cu tin un proefboring. Den e sentido ey e progreso ta bay den un forma satisfactorio. Loke naturalesa tin scondi pa nos, apesar di tur tecnologia cu tin cu cada bes ta bin cu nan. Ainda tin semper di factornan di insiguridad, den sentido di cosnan cu bo no sa. Asina ta cu ta keda optimista. E trabaonan ta desaroya den un forma masha satisfactorio y lo tin cu warda wak con e resultadonan ta bay ta. Una bes cu e pos termina, ya bo sa caba cu sin discubrimento of cu ta cla pa bay haci debe, e sorto di cosnan ey, pasobra mester bay analisa tur e datonan. Si mester bin un di dos pos si tin descubrimento, con grandi e ta. Tin basta trabao pa haci y analisa resultadonan di loke ta bay tin awor aki, prome cu por tin un declaracion fiho.

- Advertisement -

DUNA COMENTARIO

Please enter your comment!
Please enter your name here