Home Politica Aruba ta drenta epoca nobo unda comunicacion Serlimar y City Inspector lo...

Aruba ta drenta epoca nobo unda comunicacion Serlimar y City Inspector lo ta mas optimal

97
0
SHARE
- Advertisement -

Segun Curtis Fraser di POR

ORANJESTAD (AAN): Segun Curtis Fraser di Partido POR, e ta sumamente orguyoso pa yama Bon Bini na un Serlimar nobo.

Un Serlimar y Bureau City Inspector cu su lenguahe ta incluí conceptonan moderno manera ‘circular economy’ y ‘sustainability’…palabranan sinonimo cu waste management responsabel.

Aruba lo conoce un edificio unda comunicacion entre Serlimar y B.C.I. lo ta mas optimal y na unda por ehempel nos como cominudad por drive-thru cu nos auto pa hiba diferente pertenencia cu nos no kier mas pero cu otronan lo por drecha back y bende…asina birando un centro pa cuminsa conscientisa publico y yudando na reduci e cantidad di sushi ariba nos paraiso.

Por ehempel, lo por deshaci di bo sofa na e facilidad, otro ta buske y dreche manera nobo, pa despues bende, regale, of use pa su mes…asina lagando e materialnan sigui circula y worde usa den comunidad.

Ora e materialnan sigui circula e resultado ta menos sushi; esaki ta un ehempel bibo di Circular Economy unda comunidad ta ‘recycle’ door di ‘re-use’.

E ta un di maneranan pa recycla moderno cu diferente compania y pais cu ta conciente di nos responsabilidad pa cu medio ambiente y maneho di desperdicio ta usando. Door di google of facebook search e frase ‘reuse center’ nos lo por encontra facilidadnan asina den diferente bario te hasta den lobby di hotelnan rond mundo. Mustrando pueblo di Aruba cu e concepto no ta nada peligroso of negativo pa un bario, pero uno positivo cu ta brinda posibilidadnan nobo ariba nos isla.

 

- Advertisement -

DUNA COMENTARIO

Please enter your comment!
Please enter your name here