Arubianonan no por usa Credit Card pa hunga Lotto Online

    393
    0
    SHARE
    - Advertisement -

    ORANJESTAD (AAN): Awor tin un forma mas di cumpra bo weganan di Lotto.  Ademas di acudi na bo bendedor preferi, awor bo por cumpra bo ticket via sistema Online tambe.  Sea riba bo computer, of usando e browser di bo smartphone of tablet.

    Esey ta loke Damaris Ridderstap y Patrick Fortin a revela Diamars mainta durante un conferencia di prensa convoca na Surfside Marina.

    Awor bo por cumpra Lotto Online, y e lo bay facilita bida di hopi hende.  Sinembargo segun Patrick Fortin, ley na Aruba no ta permiti nan pa ofrece clientenan e chens di paga pa nan ticket usando Credit Card.

    Ora cu bo tende “Lotto Online”, mesora lo bo pensa riba e facilidad di usa un Credit Card cu bo Codigo di Hungado pa asina paga pa bo ticketnan.

    Pero esey lo no por ta asina, segun Fortin a splica.

    Pues pa Aruba, bo mester tog hiba placa e forma ouderwets, pa duna un rebendedor e placa cash, pa asina esaki aparece riba bo Lotto Online account pa asina bo por cuminza hunga.

    Ya caba desde Diamars caba, bo por bay riba e website di Lottoaruba.com cu bo computer, smartphone of tablet, y usando bo browser bo ta click riba e tab di “Play Now” pa asina cuminza.

    Lotto na Aruba a cuminza na 1984, tempo cu a cuminza bende ticket na forma manual.  Na 1999 a pasa pa sistema automatiza.  Awor despues di 19 aña, e isla ta haya servicio di cumpra Lotto Online.

    Benta di Lotto Online tey solamente pa mercado local, pues no ta obtenible pa mercado internacional.

     

    - Advertisement -

    DUNA COMENTARIO

    Please enter your comment!
    Please enter your name here