Home arte y espectaculo Ateliers ’89 Academia di Bellas Artes Aruba ta presenta obra teatral...

Ateliers ’89 Academia di Bellas Artes Aruba ta presenta obra teatral VIP Black and White Party Riot

7
0
SHARE
- Advertisement -

ORANJESTAD(AAN)– Diadomingo 17 di juni pa 6 or atardi y pa 8 or anochi, e obra teatral dirigi pa Olga van Bokhove yama: VIP Black and White Party Riot. Riba e anochi aki e obra lo wordo presenta na dos diferente ocasion esta uno 6 or y siguiente 8pm den e sala di teatro Black Box na Ateliers ’89 mes.

E obra aki cu ta un trabou realiza pa e maestra y artista di teatro Olga van Bokhove hunto cu e participantenan, Marjorie Vermeer, Kareina Arcaya, Ligia Violenus, Amy Biegstraaten, Stefan van der Kist, Effi Abath, Judith Werleman, Velvet Zoe Ramos, Nuris Lampe, ta un experimento unico realisa den cinco siman.

Haciendo e obra aki hunto e participantenan cu experiencia o sin experiencia, lo trece un compilacion di emocionnan haci cu hopi pasenshi y amor. Cada bes recargando esaki pa cada un di e participantenan por presenta y deleita e publico presente cu e obra teatral aki.

E obra riba su mes ta uno cu si bo ta amante o no di teatro ta algo cu bo no por perde ya cu lo bay tin hopi adaptacion contemporaneo cu visualmente ta hopi interesante pa mira. Na unda DJ Adriano Nanof ta hunga un papel hopi importante cu su musica y tambe visuals pa Amy Biegstraaten y Elite Productions.

Ta gradici UNOCA, Elite Productions, DJ Adriano Nanof, Mondriaan Stichting pa haci e workshopnan y e anochi aki posibel. Corda si cu e sala ta chikito y pesey tin dos funcion. Ta pidi tur hende pa atende y sigura bo lugar na tempo.

 

- Advertisement -

DUNA COMENTARIO

Please enter your comment!
Please enter your name here