Home Comercio ATIA ta mira positivo e vision di gobierno pa loke ta cambio...

ATIA ta mira positivo e vision di gobierno pa loke ta cambio di structura di impuesto

22
0
SHARE
- Advertisement -

ORANJESTAD   (AAN):  ATIA a tuma nota pa medio di un comunicado di prensa e siman aki, cu gobierno pa medio di Prome Minister Evelyn Wever-Croes a anuncia su intencion pa revisa structuralmente leynan di impuesto. Manera menciona den e comunicado aki, esaki lo inclui un rebaho di un gran cantidad di impuesto directo, y cambia esaki pa un systema di impuesto indirecto.

ATIA ta boga pa hopi tempo caba pa un cambio di nos leynan cu ta hasi cu esnan cu ta gasta mas, ta contribui mas na caha di gobierno y tambe cu impuesto ta wordo reparti pa tur, segun nan actividad economico, cu ta participa den nos economia.

Simplificacion di e tabelnan di impuesto, si esakinan wordo corectamente introduci, lo ta na beneficio di e trahador cu lo wordo stimula pa ta mas productivo, mirando cu actualmente overtime y otro beneficionan pa empleadonan ta causa cu hopi liher nan ta cai den un “bracket” mas halto y ta paga substancialmente mas impuesto pa nan esfuerso y cooperacion.

Un ley simplifica y impuesto indirecto lo por reduci e chens cu algun empresa ta keda sin contribui na caha di gobierno, asina creando competencia inhusto ariba mercado laboral y den comercio.

ATIA ta wak cu positivismo e vision moderno y progresivo presenta pa gobierno di Aruba y ta spera di forma parti di cualkier plataforma pa asina sigi duna forma na e cambio presenta.

ATIA ta compronde cu cambio di un ley asina lo tuma su tempo y ta tuma hopi esfuerso di varios departamento y instancia, pero gobierno a indica cu lo desea di introduci esaki pa mas tarda januari 2020.

Si e vision di gobierno aki hanja forma lo ta un empuhe dilanti pa pueblo keda cu mas placa den nan cartera, hisa productividad, hisa drasticamente cumplimento cu deber pa paga impuesto y un empuhe fuerte pa inversion pa asina activa economia di Aruba, cu lo traduci den crea mas trabou.

- Advertisement -

DUNA COMENTARIO

Please enter your comment!
Please enter your name here