Home Gobierno Aumento di airport tax ta un decision cu a worde tuma di...

Aumento di airport tax ta un decision cu a worde tuma di aña pasa pa e proyecto Gateway 2030

95
0
SHARE
- Advertisement -

Minister Dangui Oduber:

ORANJESTAD (AAN): Den cuadro di inovacion y desaroyo di Aruba Airport Authority (AAA) Minister di Turismo Sr. Dangui Oduber ta sigui di cerca e proyecto di expansion y modernisacion di nos aeropuerto.

Desde aña pasa a tuma luga reunionan cu stakeholder’s local y internacional hunto cu aerolineanan y representante di IATA (International Air Transport Association) na unda a acorda cu hunto lo cubri e gastonan di e Proyecto “Gateway 2030”. Gobierno di AVP a tuma e decision aki pa AUMENTA e airport tax y awe kier hunga politica barata y culpa e gobierno di coalicion. Tristo ora argumento politica caba kier usa un decision cu nan gobierno a tuma y kier culpa e gobierno nobo. Pero esaki ta partido AVP cu NO kier acepta cu pueblo a core cu nan!

Consecuentemente e aerolinea nan cu nan partners di industria hunto cu IATA a bay di acuerdo pa cu un aumento di e gastonan relaciona cu pasahero, pa asina cubri e proyecto di nos aeropuerto. Entrante 1 di Juli lo bay implementa e aumento menciona.

Na dos forma AAA lo cobra e aumento na e Aerolinea nan. Prome forma lo ta riba e “general usage charge” cu lo conoce un aumento di 13 US Dollar y tambe e “special facility charge” cu lo aumenta cu 2 US Dollar.

E cobransanan aki lo worde cobra door di AAA na e aerolineanan y ta keda na cada aerolinea pa dicidi si e ta absorba e aumento aki y mantene nan tarifanan competitivo of ta disidi di cobra e cliente. Echo ta cu desde 2003 no a conoce un aumento den e combransa di e pasahero. Proyecto “Gateway 2030 ta uno necesario pa mehora e experiencia di tur cu ta  bishita nos isla via di nos aeropuerto. Contrario na locual a worde treci den prensa tocante aumento di cobransa di pasaheronan cu ta biaha pa Corsou y Boneiro, esaki no lo ta e caso y e cobransanan lo keda mescos.

Un MOU (memorandum of understanding) a worde firma si acaso e gastonan di e proyecto lo ta menos cu a worde premira, den un caso asina lo reevalua e cobransa di pasahero y lo baha esaki si ta nesecario pa mantene un tarifa mas competitivo posibel.

Comparando AAA su tarifanan cu esnan den region, mester bisa cu nos prijsnan ta keda averahe. Pa aeropuertonan cu ta haci uzo di “US Customs Pre-Clearance” den region, nos tarifanan ta keda esun di mas abou. Minister Dangui Oduber ta mira e proyecto “Gateway 2030” hopi importante pa hiba nos aeropuerto pa e proximo nivel pa asina yega na e turistanan di calidad.

 

- Advertisement -

DUNA COMENTARIO

Please enter your comment!
Please enter your name here