Home Impuesto Automatisacion di Departamento di Impuesto no ta un proyecto facil

Automatisacion di Departamento di Impuesto no ta un proyecto facil

14
0
SHARE
- Advertisement -

ORANJESTAD   (AAN): Segun directora di Departamentonan di Impuesto, Luenne Pieters, e sistema di automatisacion ta proyectonan cu di berdad ta proyectonan cu nan ta hopi orguyoso di dje. Ta hopi tempo y energia cu ta wordo hinca den e proyecto di automatisacion. Nan no ta proyectonan facil.

Naturalmente ta papia di un sistema tecnico, un sistema di belasting no ta un sistema cu ta facil. Nos leynan di belasting ta complica, pa asina bay splica e tecniconan pa traha algo cu ta acapara full e proceso di belasting.

Nan tin un sistema cu ta sostene e procesonan di belasting, di momento cu un cliente bin registra su mes na Departamento di Impuesto pa un belastingmiddel, por ehempel BBO, Winstbelasting, Inkomstenbelasting, Grondbelasting, te ora cu e cliente, si e cliente no cumpli, cu e haya un dwangschrift y beslag wordo poni.

Un cliente ta bin registra su mes, e ta haya su aangifte uitgereikt. Ora e aangifte mester wordo entrega, e ta entreg’e. E ta haci pago of no haci pago of paga parcial, ta saca un cobransa cu un boet y si e cliente no paga ta bay mas leu den invordering. Si ainda e no worry cu e aanmaning, ta bin un dwangschrift. Si ainda no worry cu dwangschrift, ta pone beslag. E ora ta bay over na benta. Tur e proceso aki ta purba di laga sistema tuma over, caminda cu ta wak cu belastingdienst por funciona hopi mas eficiente. Cosnan cu tabata sosode manual, ta bay automatisa. A cuminsa caba cu e online paymentnan. Ta hopi satisfecho con e ta bayendo.

Aruba Bank ta live cu su sistema di online banking. Tambe nan tin Banco di Caribe cu ta casi cla. Tin cierto cosnan chikito cu tin cu soluciona cu por anuncia den un paar di siman unda cu Banco di Caribe tambe ta bay live cu nan online banking system. CMB tambe ta hopi delanta. RBC tambe y tambe CIBC. Por bisa cu e meta ta pa fin di aña tin e banconan hunto unda cu e clientenan por haci pago online, hopi mas structura, cu asina cu e pago drenta den nan sistema y por reconcilia na un manera mas lihe y efectivo.

Antes ta procesonan cu tabata bay manual y tur sa cu ora bo tin hopi presion pa un departamento funciona y tambe garantisa entrada, mester traha mas sabi. No mester traha mas duro. Tecnologia ta duna e posibilidad pa ta mas enfoca riba e core business, cual ta di berdad, cobra impuesto.

 

 

- Advertisement -

DUNA COMENTARIO

Please enter your comment!
Please enter your name here