Home Gobierno AVP ta convenci cu Gabinete Wever Croes practicamente a legalisa ‘atraco’ riba...

AVP ta convenci cu Gabinete Wever Croes practicamente a legalisa ‘atraco’ riba pueblo

18
0
SHARE
- Advertisement -

ORANJESTAD (AAN): Fraccion di AVP ta mustra cu den e rapport di CAft ta papia palabra cla y mientras cu esaki no tabata un sorpresa grandi, si e ta demostra e mentalidad cu cual gabinete Wever Croes ta gobernando e pais aki.

Pa CAft por a firma presupuesto 2018, gabinete Wever Croes pa medio di minister presidente Evelyne Wever Croes, a sigura cu su gobierno lo bay percura pa reduccion di personal di e aparato gubernamental, pa spar12 miyon Florin.

No ta cuestion di bay purba, pero ta un echo poni riba papel y manda pa gobierno Hulandes, caminda ta bay manda mas cu 300 hende cas den proximo lunanan riba cual ainda gobierno tin cu duna un splicacion na pueblo y na parlamento.

Tur esaki despues cu tanto CAft y Raad van Advies a remarca anteriormente cu presupuesto 2018 ta mustra  un aumento den gasto di personal pero cu gobierno a dicidi di neglisha y laga e fiesta sigui bay.

Tanto departamento di Serlimar y DIP ya ta un secreto publico e invasion di hendenan di partido POR, sostenedo- y candidatonan di e partido di e minister encarga cu e departamentonan aki y practicamente tur loke falta pa haci cu e edificionan, ta verf nan color blauw di e partido di minister Oduber.

Practicamente tur minister di gabinete Wever Croes a tuma hende den servicio mientras cu na mes momento tur tabata grita crisis financiero cu nan a haya e pais aden y awor CAft y Hulanda ta bin para e abuso aki, caminda no por castiga pueblo pa un maneho asina iresponsabel.

Na momento cu gabinete Wever Croes a worde ordena pa reduci gasto di personal cu 12 miyon, esaki ta confirma e hecho cu e gobierno MEP-POR-RED no tin nocion di loke tin cu worde haci pero si tin e nocion di con nan tin cu recompensa nan sostenadonan y duna pueblo e cuenta pa paga.

Na momento cu gabinete Wever Croes impone un aumento di BBO y BAZV na 6% cu lo ranca un suma di 130 miyon for di pueblo, e gobierno aki no a mustra mucho diferencia cu cualkier caso di atraco, ya cu realmente ta atraca cartera di pueblo.

No ta husto cu ta pone un peso asina grandi y cu lo bay crea cantidad di problema pa hopi cas di famia pa motibo cu nan lo worde afecta formalmente pa medida di gobierno, anto di otro banda gobierno ta gasta placa di pueblo pa paga sostenedonan, amigo y famianan pa e suma di 12 miyon Florin.

E desaroyonan aki cu CAft caminda e comision di supervision a bay di acuerdo pa firma presupuesto 2018 a base di promesanan nobo haci pa gabinete Wever Croes, ta duna un mocion di incapacidad tambe na fraccionnan cu ta sostene gobierno den parlamento,  ya cu na luga di pone atencion, haci pregunta al caso, mustra preocupacion pa loke gobierno ta haciendo y exigi pa bin cambio den e presupuesto, ta grita voor ciegamente y awor nan ta ser mustra riba fayonan cu a worde cometi den parlamento pa fraccionnan cu a priminti un cos pero ta haci otro cos.

- Advertisement -

DUNA COMENTARIO

Please enter your comment!
Please enter your name here