Home Salud Awe accion di limpieza ta cuminza den Rancho

Awe accion di limpieza ta cuminza den Rancho

48
0
SHARE
- Advertisement -

ORANJESTAD    (AAN):  Lo bay tin dos dia di limpieza general den Rancho, pa cual Sr. Clifford Rosa, director di Fundacion Rancho, ta amplia mas ariba esaki.

E siman aki nan ta yama e siman aki como un proyecto ‘Wastemanagement  Plan’ pa Rancho. Danki na studiantenan di EPI Hospitality & Tourism, nan por inicia un proceso, unda cu danki na DOW, Serlimar, City Inspector, Arutram tambe, mirando cu hunto nan a sinta brainstorm con nan ta bay atende cu “Wastemanagement Plan” pa Rancho y un parti di Oranjestad.

Sr. Rosa ta contento di mira e inicio aki, mirando cu diaranson y diahuebs mainta di 7 or pa 12, comunidad completo di Rancho y becindario, aunke ta focus ariba Rancho por haci uzo di e bakinan di sushi cu lo bay wordo poni strategicamente, un den Ranchostraat y otro den Koningstraat, unda cu cualkier sushi di cas por wordo tira den e bakinan aki.

Tambe e muchanan lo pasa rond, cas pa cas, dunando informacion di e proyecto aki, pero tambe pa haya mas informacion kico ta e problematica cu cada cas, comunidad den Rancho ta encontra nan mes, e problematica di sushi. Con por atende cu e sushi un tiki mas miho, pasobra cu si mira, tin diferente hanchinan cu ta yena cu sushi.

Tin monumentonan protehi cu ta yena cu sushi. Pa tur esaki mester di atencion, pero atencion structura, cu di tal manera, pa bisa cu como local por pasa dushi den nan bario. pero tambe si nan haya bishitante, nan lo por mira e bario mas limpi.

Por ultimo, Sr. Clifford Rosa di Stichting Rancho, ta haci un yamada general, na esunnan cu ta biba den Rancho, of cu ta sinti cu nan ta den area di Rancho, pa asina ey, mustra cu e habitantenan tin atencion pa cu e sushi y con nan ta bay atende cun’e, pa sigui tene nan luga limpi.

- Advertisement -

DUNA COMENTARIO

Please enter your comment!
Please enter your name here