Home Hudicial Awe sospechoso di violacion y asesinato cruel di hoben dama na De...

Awe sospechoso di violacion y asesinato cruel di hoben dama na De Vuyst dilanti Hues

236
0
SHARE
- Advertisement -

ORANJESTAD (AAN): Awe Diabierna mainta e homber Arubiano Jairo A. Chalgut (46), sospechoso di e asesinato hororoso di e dama difunto Sarahi Sierra, mester presenta dilanti Hues.

Jairo ta wordo sospecha cu riba 3 November 2017: a mara, choca, stik, hinca, maltrata, viola, mata y horta un suma di placa di e dama Sarahi Sierra.

E caso aki, pa Polis y Ministerio Publico, ta hiba e nomber Fist. Danki na investigacion di Recherche caminda a pidi muestra di DNA voluntario di varios hende, a bin haya sa cu Jairo ta e culpable. Jairo Chalgut ta un amigo di cas di e victima o sea un persona hopi serca di e victima.

MALTRATO, HINCA, VIOLA Y MATA

Investigacionnan di miembronan di Recherche ta mustra cu Jairo a mara e victima su mannan y pianan. A choca e victima intencionalmente y a pone un saco di plastic over di su cabez.

E sospechoso a hinca e victima varios biaha na parti patras di su cabez y tambe a bati’e. Door cu e sospechoso a lora e cabez di e victima cu cosnan, esakinan no tabata visible di biaha.

Ademas di esey, el a maltrata e victima, abusa di dje y a mat’e. Tambe el a bay cu un cantidad di placa, 1100 florin, cu e victima tabatin.

DNA A SOLUCIONA E CASO

DIARIO por a compronde cu durante e investigacionnan, diferente persona lo a wordo deteni pa interogacion, entre otro un bisiña y e ruman muher di e victima.

Ta na momento cu Recherche a pidi diferente persona, entre otro e sospechoso Jairo, como amigo di cas, pa duna voluntariamente muestra di DNA, esaki a trece claridad den e hororoso caso aki.

Instituto Forense na Hulanda (NFI) a conclui, a base di muestra di DNA, cu J.A.C. ta e culpable di e asesinato hororoso aki.

CASO TA PRO FORMA

Informacion cu DIARIO a ricibi di vocero di Ministerio Publico, ta mustra cu awe Jairo Chalgut ta presenta dilanti Hues pero tratamento di e caso lo no tuma lugar. Ta asina cu segun ley, dentro di un periodo di algun luna, e sospechoso mester presenta dilanti Hues. Si esaki no sosode, Ministerio Publico mester pone e sospechoso den libertad. Pa evita esey, hopi biaha Ministerio Publico ta laga e caso bay dilanti pero pro forma.

Kico por spera awe mainta! Awe mainta por spera cu Fiscal ta presenta e acusacionnan contra Jairo y despues ta informa Hues pakico e caso ta pro forma.

Despues Fiscal lo propone un fecha pa tratamento di e caso. E abogado di Jairo Chalgut e momento ey tin e chens pa sea haci un peticion pa suspende e detencion di e sospechoso. Si e haci esaki, e lo mester bin cu motibonan pa hustifica esaki. Despues Fiscal lo reacciona riba e peticion aki.

Tambe por ta asina cu abogado lo kier pa haci cierto investigacionnan mas of e ta bisa cu e ta bay di acuerdo cu e peticion di Fiscal pa pospone e caso te na un fecha cu Hues lo dicidi.

DIARIO lo informa lectornan tur loke sosode awe den Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here