Home Comercio Banconan lo bay cobra riba transaccionnan 6% entrante 1 di Juli

Banconan lo bay cobra riba transaccionnan 6% entrante 1 di Juli

284
0
SHARE
- Advertisement -

ORANJESTAD (AAN):  Entrante 1 di Juli awo, banconan tin cu bay cuminsa cobra 6% riba cierto transaccionnan, manera BBO, BAZV, B-AVP. Segun e presidente electo di Aruba Bankers Association, Elvin Maduro, den pasado tempo BBO a wordo introduci, banconan no mester a cobra BBO riba cierto tarifanan, transaction fees. Awor esaki no lo ta e caso mas.

Nan tabata cobra riba e safe lockernan, pero awor aki tin cu bay cobra riba closing fees, transaction fee, transfer fee. Tin cu cobra e 6% riba esey, e ta splica.

Den pasado, segun ley no tabata tin mester pa cobr’e. Contrario awo, e ley nobo si ta haci cu tin cu cobra e 6% aki. Esaki lo sosode ora cu ta yena un transfer form y ta transfer placa di un banco pa otro, riba e transfer fee lo bay cobra e 6%. Online awor aki, transfer na hopi banco ta gratis.

E placa aki tin cu draag’e over na gobierno. No a haci un calculacion ainda di cuanto e lo bay ta. Pueblo mester ta na altura cu entrante 1 di Juli di e cambio aki. Tin cu dicidi ainda cu ta bay cobr’e direct of tin cu wak con ta bay ahusta e feenan.

Maduro ta splica cu e Asociacion di Banco lo pidi un cita cu minister di finanzas. No sa ki dia ainda, pero ta bezig riba esey pa asina yega na cierto acuerdonan referente e 6% aki.

E asociacion di banco kier wak kico por haci con tin cu bay pone e cos aki pa e ta mas ovezichtelijk pa e cliente y tambe tin cu cumpli cu ey, asina ta pa e Asociacion di Banco por draag e BBO cu ta cobra na gobierno.

Te ainda no a tende nada ainda for di publico. Sigur den curso di e simannan cu ta bin, lo bay tende kico e preocupacion di e cliente lo bay ta.

Si gobierno dicidi di haci un dispensacion e 6% por wordo evita ainda, pero tur cos ta depende di gobierno.

ABA a haya un presentacion di un fiscalista encuanto di e cambionan aki, pero despues di esey no a reuni riba dje den nan propio seno, e ehecutivo a menciona.

 

- Advertisement -

DUNA COMENTARIO

Please enter your comment!
Please enter your name here