Home Comercio Batata cu yuca y batata dushi a conoce caida mas grandi den...

Batata cu yuca y batata dushi a conoce caida mas grandi den luna di Mei

20
0
SHARE
- Advertisement -

Cambio di prijs di Cuminda y servicio di catering na Mei 2018

ORANJESTAD (AAN): E boletin nobo di Servicio Central di Estadistica relaciona cu luna di Mei 2018, ta mustra cu e indice di “Cuminda y Catering” a subi.

E indice di “Cuminda & Servicio di Catering” a registra un subida di 0.2% na Mei 2018, despues di un subida di 0.5% na April 2018. E indice di “Cuminda na cas” (0.3%) a registra un subida, unda 8 di e 11 indicenan di e gruponan di cuminda na cas a subi na Mei 2018. E indice di “Fruta” a conoce e subida di mas grandi (1.7%) na Mei 2018. E indicenan di “Batata, yuca y batata dushi” (0.8%), “Lechi, keshi y webo” (0.8%), “Carni” (0.5%) y “Azeta y otro productonan traha di vet” (0.5%) tambe a registra subidanan. E indicenan di “Berdura” (-3.3%) y “Pisca y otro cuminda di lama” (-0.3%) a registra caida di prijs.

Den e ultimo 12 lunanan e indice di “Cuminda & servicio di catering” a subi cu 5.6%. E indice di “Cuminda na cas” a conoce un subida di 6.8%. E indice di “Fruta” a subi cu 45.8%, e subida di mas grandi entre e gruponan di cuminda na cas, mientras cu e indice di “Batata, yuca y batata dushi” a conoce e caida di mas grandi cu 5.8%.

E indice di “Cuminda pafo di cas” a registra un caida di 0.1% na Mei 2018 y a registra un subida di 1.6% den e ultimo diesdos (12) lunanan.

Na Mei 2018, “Cuminda na cas” y “Cuminda pafo di cas” como grupo, tabata tin un subida di prijs di 0.2% compara cu April 2018 y hunto tabata tin un influencia di 0.04 ppt riba e CPI, mientras cu e restante bienes y servicio hunto a experencia un subida di prijs di 0.3% y tabata tin un efecto di 0.27 ppt riba e CPI.

- Advertisement -

DUNA COMENTARIO

Please enter your comment!
Please enter your name here