Home Politica Benny Nisbet kier sa si e producto turistico di Aruba ta prepara...

Benny Nisbet kier sa si e producto turistico di Aruba ta prepara pa retonan di futuro

193
0
SHARE
- Advertisement -

ORANJESTAD (AAN): Segun Benny Nisbet di Partido PPA, Aruba  su desaroyo turistico a inicia na 1959 ora gobernacion di PPA bao di sr. Juan E. Yrausquin q.e.p.d. a  lanta  Aruven cual compania ta responsabel pa  a  construi   Aruba Caribbean Hotel, Aruba Sheraton Hotel y Americana Aruba.

E inversionan aki a crea interes cerca otro inversionista cu a  inverti den varios hotel tanto Low-Rise como High Rise  y pa final di decada 1960, Aruba tabatin un Industria di Turismo cu tabata su segundo pilar economico.

Meta di sr. Juan E. Yrausquin q.e.p.d. tabata pa prepara Aruba pa e momento cu e refineria Lago por sera su porta.  Por cierto ciudadano hasta politico den decada sesenta y setenta no a kere  e vision aki  cu  tanto Lago lo  por a sera su porta y cu turismo lo por bira un industria Economico principal di pais Aruba.

Pero e  figura eclatante di sr. Juan E. Yrausquin q.e.p.d.  a proba cu e tabatin razon  y su vision a salba Aruba na momento cu e refineria a sera su porta.

Awor na e momento aki  Turismo ta e unico pilar Economico di pais Aruba cu ta como 90% di nos GDP/Entrada Nacional di nos pais.

E pregunta cu PPA kier a haci cu e  articulo aki ta si Aruba ta prepara pa e demas reto  riba tereno economico y di turismo  den e futuro nos dilanti?  Fuera di  e necesidad di  ‘diversifica’ nos economia  e momento no a yega pa nos ‘diversifica’ nos producto turistico tambe?

Aruba su producto  turistico  ta consisti mientras tanto di e.o. hotelnan 2 & 3 star cu excepcionalmente 4 star hotels.  Basta ‘all inclusive’ hotels, timeshare  hotels, condominiums  y un cantidad di apartments.

E isla tin 1 Internacional golfcourse, 1 otro golfcourse di nivel y uno den menos bon condicion.  Fuera di esey tin un variedad di restaurant den sector culinario  y e sector di transportacion esta nos Taxistanan, companianan di Huur auto etc… tur ta parti di e producto turistico di Aruba.

PPA su pregunta ta: Si nos miras riba futuro no ta pone cu mester analisa nos producto turistico  hopi critico y hiba un maneho pa hiba nos producto di turismo na e proximo nivel den futuro cercano.   PPA  ta contesta e pregunta aki cu SI.

Si Aruba kier mantene nos producto Aruba na un nivel halto  y eleve pa e proximo nivel nos lo mester analisa nos producto di turismo hopi critico!  Ta pesey mes PPA  no sin mas ta posiciona nos mes pa un moratorium di construccion di hotel riba nos Isla.

Excepcion mester tin un argumentacion hopi  strtegico su tras  y mester tene  debidamente cuenta cu e limitacion di nos mercado laboral !!  P.e.  si Aruba kier pa nos producto turistico  worde hiba na un nivel mas halto cu mas turista di calidad …anto nos mester por hiza e nivel di nos producto tambe.  Aki PPA  ta referi na e.o. un sector di nos turismo  cu p.e.  Golftourism cual lo nifica inversion den un otro golfcourse acompaña cu 2 of 3 hotel !  Pero PPA ta bolbe accentua basa strictamente riba nos mercado laboral Arubano. Y tene cuenta cu construccion di e  Hotel y Infrastructura aki ta tuma un 4/5 aña prome cu bo ta asina leeuw. Aki e vista di PPA ta dirigi riba  un desaroyo na San Nicolas tambe.

ARUBA WORLD TRADE CENTER lo crea necesidad pa prepara Business Hotels.  Fuera di esaki PPA ta kere fielmente cu lo mester crea un otro sector cu lo ta ‘business Hotels’ y esaki mara na p.e. un inversion den un Aruba World Trade Center  y un  Universidad  cu 1 of 2 business Hotels. Atrobe esaki No ta un  vision cu ta worde ehecuta di un dia pa otro pero un vision cu lo tuma  un 6 pa 7 aña pa bira realidad pero cu ta crea  hopi otro sector di trabao riba nos Isla especialmente pa esnan cu ta na nivel  Academico etc. Esaki lo crea un otro pilar Economico pa nos Isla.  Aruba lo haya un sector na unda nos ta duna servicio na e movecion di ‘International Trade’ den nos region.

HEALTH & WELLNESS:  Desde  2005 PPA ta e prome y unico partido politico cu a accentua e necesidad pa Aruba inverti den un sector di ‘Health & Wellness’ tambe yama Turismo Medico   riba nos Isla.

Hopi ta esnan cu ta di opinion cu nos lo no por atende e  parti di Health pero si ta wak un desaroyo posibel den Wellness.  PPA ta keda mantene nos vision cu ambos ta posibel si  un vision y maneho worde bon manteni y ejecuta riba nos isla.  E sector di ‘Health & Wellness’ lo eleva  e servicio cu Aruba ta ofrece  na turista International cu lo bini tanto pa vacacion  pero tambe pa ricibi servicio medio como riba tereno di Wellness esta e.o.  fitness.  E tereno aki lo habri hopi espacio pa ‘entrepreneur arubiano’ inverti den futuro.

CONVENTION TOURISM:

Pa añanan tambe PPA ta e partido cu ta acentua cu Aruba cu tanto ta gaba cu nos ta papia cuatro idioma y mas  No a haci uso di esaki suficientemente.  Cu desaroyo di un sector di Convention tourism, lo crea mas cupo di trabao di nivel riba nos Isla. Presencia di un ‘World Trade Center’  lo contribui enormemente na e sector aki. Motibo di e articulo aki ta pa PPA keda proyecta nos vision.

Esun cu ta dicidi direccion di nos isla Aruba y nos producto di turismo ta keda nos gobierno di Aruba cu ta actual gabinete Wever Croes. Pero esaki lo no kita cu dentro di nos democracia PPA lo keda ventila nos vision y opinion.

   RISING SEA LEVELS:

Pero corda cu Rising Sea levels lo por affecta nos Industria di Turismo  seriamente  como cu mayoria di nos hotelnan ta construi riba un  parti di nos Isla anto  cerca di lama.

Si lama hisa  esaki lo por affecta nos hotelnan. E momento ey  lo nos No por  construi  di  anochi pa majan otro hotel.  Un bon vision ta ensera cu gobernacion mester tene cuenta cu e posibilidad aki y con pa evita lo peor.

Esaki lo NO ta un decision fascil y kizas NI popular mirando e deseo pa un moratorium riba construccion di Hotel  pa cual nos di PPA tin comprension pele pero  un analisis critico lo mester worde haci  pa nos evita un caida di nos Industria di turismo derrepiente.  Atrobe PPA NO ta  pro pa Hotel worde traha sin mas, solamente si nos Mercado laboral tin espacio y cu bista riba  proteha nos Industria di Turismo pa crisis diripiente.

- Advertisement -

DUNA COMENTARIO

Please enter your comment!
Please enter your name here