Home Gobierno Bestuur di PNA a cambia completamente e funcion pa cual e Stichting...

Bestuur di PNA a cambia completamente e funcion pa cual e Stichting a wordo lanta

126
0
SHARE
- Advertisement -

Sin consulta cu minister, gobierno ni Parlamento:

ORANJESTAD (AAN)—Diaranzon mainta Minister di Infrastructura, Medio Ambiente y Desaroyo Teritorial, a yama un conferencia di prensa den cual el a referi ampliamente na e situacion di Parke Nacional Arikok.

E mandatario a cuminza indicando cu na numeroso ocasion e empleadonan a mustra nan disgusto, na prome lugar door di e maneho cu tin riba e aspecto di personal, pero tambe riba aspectonan cu tin di haber cu e parke mes, durante e ultimo añanan aki.

Tambe, gobierno naturalmente despues di un proceso sumamente transparente y habri, di combersacionnan cu a inicia na November aña pasa y na cuminzamento di e aña aki, y el bestuur na cierto momento a constata cu banda di e combersacionnan habri y transparente cu gobierno a sinti y kere cu tabata tumando lugar den e prome siman di December, sin comunica na su persona como minister, ni na ningun instancia di gobierno y tampoco Parlamento, a bay over pa haci cambionan di estatuto cu ta cambia completamente e funcion pa cual  e Stichting Parke Nacional Arikok, a wordo lanta.

“Ayera atardi, e Bestuur den su totalidad, consistiendo cu cuater miembro a pidi nan retiro en block y per direct. Y a base di esaki y di un nota publico, cu e bestuur a laga manda pa tur miembro di prensa y diferente instancia, nos a haya adecua pa por reacciona den medionan awe mainta, y mi ta bay splica di con”, Minister Otmar Oduber a expresa.

E mandatario a indica cu na aña 2000 ya caba, atravez di un “Landsbesluit Houdende Maatregelen” (LBHAM) a crea un Beheer pa loke ta trata un “bestaand natuur gebied” (area di naturaleza existente) pa medio di un dienst cu tabata atende cu e aspecto di e gebied area cu nos ta yama awe Arikok.

E dignatario a sigui splica cu na aña 2003 Parlamento di Aruba, a duna un machtiging (autorizacion) na gobierno pa lanta un stichting, den e caso aki un beheer,  pa maneha Parke Nacional Arikok.

Gobierno na su turno, den e mesun aña aki, a lanta e Stichting aki conforme e maneho, e machtiging cu a wordo duna di Parlamento, na Statutonan di un fundacion, cu tabata tin como unico doestelling (meta) zuiver beheerder (puramente administra) e 20 porciento di teritorio di nos pais cu a wordo considera como area proteha, y naturalmente a duna e subsidio cu awe tin di alrededor di 2.7 miyon na e fundacion aki.

E mandatario a reitera cu e proposito di e fundacion aki ta, naturalmente, administra PNA conforme e autorizacion cu, e tempo ey, Parlamento a duna pa un Stichting wordo lanta, cu e unico tarea di maneha e area aki cu gobierno di pais Aruba a pone como area proteha di naturaleza.

E dignatario a subraya cu enfasis cu e principio basico di esaki tabata e tarea specifico di administra PNA y no uno di “beland organizatie” of cualkier interes aheno na e proteccion y maneho di e area aki cu ta proteha for di aña 2000 atravez di un LBHAM (Decreto Nacional di Mantenimento di Medidanan).

- Advertisement -

DUNA COMENTARIO

Please enter your comment!
Please enter your name here