Home Policial Bomberonan a rescata chauffeur gravemente herida

Bomberonan a rescata chauffeur gravemente herida

541
0
SHARE
- Advertisement -

ORANJESTAD (AAN): Un accidente basta serio a sosode riba e caminda di Bubali. Tabata algo pasa di mey anochi cu un manehador di un Peugeot color geel y biniendo for di pariba cu velocidad basta halto a accidenta. Pa un of otro motibo e auto a baha caminda despues cu e chauffeur a perde control. El a kita na man robez y bay dal den un post di coriente.

Daño material tabata grandi y e manehador a haya basta sla na cabez y curpa. Pa motibo di e impacto fuerte, e manehador a bay cay na e asiento di pasahero. Ambulance y ekipo di rescate a presenta pa  saca e manehador for di e auto y despues a transport’e pa hospitaal. Na prome instante ora e yamada a drenta, tabata papia di un sonido fuerte di motor di auto y despues a tende un klap.

Bisiñanan cu a yama, a core sali pa mira kico lo a pasa y a topa cu e situacion di desgracia. E polisnan di Noord a yega prome y despues mirando e situacion di e chauffeur a pidi tambe presencia di Polis di Trafico. Nan a haci investigacion riba e caso.

Un testigo a conta cu ora e auto a dal e tabata sinta ta come den cercania. El a mira e velocidad halto cu e auto a pasa bay y ora el a core yega cerca e chauffeur, el a haya holo sterki di alcohol. Investigacion lo saca afo kico exactamente a sosode.

 

 

- Advertisement -

DUNA COMENTARIO

Please enter your comment!
Please enter your name here