Home Policial Bon Bini Coconut no tin permiso di operacion

Bon Bini Coconut no tin permiso di operacion

571
0
SHARE
- Advertisement -

ORANJESTAD(AAN): A nota Diamars mainta cu riba red social tabatin critica pa un negoshi nobo den Caya Betico Croes, cu ta bende “Awa di coco”. E negoshi yama “Bon Bini Coconut” y berdad ta bendiendo awa di coco.

A yama Polis pa controla si nan tin permiso y Polis na prome instante a confirma cu nan tin permiso di operacion y como tal a indica cu nan tin tur derecho pa bende nan producto.

Na e sitio a nota presencia di famia Daryanani, doñonan di e edificio cu a confirma cu e comerciante ta huur espacio cerca nan y cu nan lo tin tur permiso na ordo. Despues cu Polisnan a yega warda, e superiornan a bolbe na e sitio ora a busca mas informacion.

Asina a bin saca afo cu e hendenan no tin permiso. A pidinan pa ruim op tur cos y bay na DIP pa atende cu nan asunto.

Keho di bisiñanan

E asunto ta parce mas bien un “pleito entre bisiñanan”, pasobra e comerciante di nacionalidad Venezolano ta sinti cu ta e otro tiendanan den vecindario ta jaloers riba dje. E ta keda cu constantemente ta haci tur posibel pa stroba su operacion, siendo cu e unico cos cu e ta haci ta bende awa di coco cu clientenan pasando den caya grandi. E no ta considera di ta stroba ningun bendemento di paña, productonan electronico, joyas of otro tipo di negoshi den centro di ciudad.

Free for All

Sinembargo, sin punta dede riba e caso specifico aki, for di otro comerciantenan den Caya Betico Croes nos a haya informacion cu riba dianan ocupa, ehempel recien ta Dia di Mama, cu varios comerciante stranhero ta djis yega habri un tent den Caya Grandi y bende tur sorto di producto den forma “ambulante” sin tin un permiso pa haci esaki. Los di e asunto di permiso, nan ta stroba benta di e tiendanan cu si mester paga huur, paga impuesto y tur otro gasto mas pa tin un negoshi estableci riba nos isla. Nan ta sinti un falta di control di parti di autoridadnan pa negoshinan cu ta habri di un dia pa otro, djis pa saca probecho di e momento.

 

- Advertisement -

DUNA COMENTARIO

Please enter your comment!
Please enter your name here