*Esaki despues di concierto di Legendarionan di Musica Urbano na Corsow
ORANJESTAD (AAN): Recientemente na Corsow a tuma lugar un ‘Concierto di e Legendarionan di Musica Urbano, pa cual C-Zar Olarte tabata un di esnan invita pa participa.
Den un entrevista cu DIARIO el a bisa cu e ta gradici Corsow y e organizadornan Remy Real, Shan Ignacio y Ramil Cicilia.
Banda di esaki Olarte a gradici Janiro Eisden.
“Mi ta gradici Janiro Eisden pa a laga mi forma parti di Basic One”.
“The Legend Ataniro 22 aña pasa a acercami y a laga mi graba varios production cu a para na Aruba, Boneiro y Corsow na number 1 pa varios aña”.
Esaki segun Olarte, kende a indica cu door di e diferente ‘tracks’ aki cu a dal duro, awe na Corsow nan ta considera e C-Zar Olarte, tambe un di e legendarionan di e musica Urbano.
“Pami ta un otro logro den mi historia musical”.
“Janiro Eisden mi ruman bo ta grandi como artista y como ser humano”.
“Bo tin asina tanto hit number 1 riba bo nomber durante tanto aña”.
“Bo a hasi hopi pa varios artista y a yuda nan yega leu”.
“Ami lo keda semper agradecido nabo”.
Esaki segun Olarte, kende a bisa cu e ta contento di tabata parti di e tremendo presentacion den un evento completamente sold out.
“Pabien na cada un di e artistanan y sigur danki na Corsow pa e amor brinda na nos”, Olarte a bisa na final.
‘Photo by Quicy Lopez’
