Home Economia CAft ta sigui recomenda pa no sobrepasa e cuota di debe maximo...

CAft ta sigui recomenda pa no sobrepasa e cuota di debe maximo di 90% GDP

15
0
SHARE
- Advertisement -

ORANJESTAD(AAN): Pa riba termino corto por subi riba e caminda cu ta conduci na finanzas publico sostenibel, e Colegio di supervision financiero Aruba (CAft) a duna tres recomendacion.

Esaki presidente Raymond Gradus a bisa durante di un conferencia di prensa Diabierna atardi.

Durante di su bishita CAft a constata cu a cumpli suficientemente cu e recomendacionnan aki. P

a aworaki, esaki ta duna CAft suficiente confianza. Gradus a indica cu mirando e situacion preocupante di e finanzas publico, CAft a bolbe mustra riba e nesesidad pa yega mas pronto posibel na un cuadro legal di norma. Pa realiza mehoracion di finanzas publico den forma sostenibel y reduccion di e posicion di debe, ta necesario pa yega mas lihe posibel na un surplus riba e presupuesto.

Den espera di palabracionnan entre Aruba y Hulanda tocante di un cuadro legal di norma pa 2018-2021 na Juni,  CAft a duna tres recomendacion a base di e presupuesto aproba. Na prome luga a recomenda pa laga e deficit presupuestario di 2018 ta mas abao cu e deficit presupuestario di 2017. Den e ultimo simannan Aruba a entrega datonan cu ta indica cu e entradanan no procedente di impuesto pa un total di 17,5 miyon florin di Refineria di Aruba (RdA) ta suficientemente realistico. Den 2018 ya a transferi un montante di 9,9 miyon florin. Banda di esey a recomenda pa e gastonan di personal calcula pa mas aña mester demonstra cu nan tin  tendencia di ta bahando. Pa loke ta trata gastonan di personal, Aruba a presenta un plan di personal den cua ta aspira pa laga e gastonan di personal calcula pa mas aña baha nominalmente. Pa 2018 ta tuma medida cu ta reduci e gastonan di personal cu 12 miyon florin. Cu esaki ta cumpli tambe cu e recomendacion di CAft pa no permiti e gastonan di personal subi, den comparacion cu 2017. Si ta importante pa Parlamento mas pronto posibel aproba e presupuesto supletorio cu ta relaciona cu esaki. Finalmente CAft a recomenda pa no surpasa e cuota di debe maximo di 90% di Producto Domestico Bruto (PDB/GDP). Aruba a haci e promesa cu den 2018 y 2019 e lo no haci mas fiansa (di termino corto) cu ta necesario, loke ta haci posibel pa efectivamente e cota di debe keda bou di 90% di PDB.

CAft ya a conclui cu e compensasion di deficit di 2017 no por keda realiza den 2018 manera e Ordenansa di Aruba di supervision financiero temporal (LAft) ta prescribi y cu di e forma aki e norma di LAft di un surplus di 0,5% di PDB ta keda fuera di alcanse. Pa denter di un termino corto subi e caminda cu ta conduci na finansa publico sostenibel, ta necesario pa yega na un cuadro legal di norma nobo. E combersacionnan cu Aruba y Hulanda ta sostene tocante di e topico aki ta andando, pero CAft a bolbe enfatisa pa yega na un cuadro di norma legal pa 2018-2021 y tambe pa mas pronto posibel realisa un surplus riba presupuesto, ya por cuminsa pone paso riba e caminda pa yega na finansa publico sostenibel.

Ademas di hiba combersacion tocante di e resultadonan di e prome kwartaal, durante di e bishita aki a tuma despedida tambe di miembronan di Colegio Sybilla Dekker (miembro riba proposicion di Hulanda) y Robert Croes (miembro riba proposicion di Aruba). Tur dos e miembronan cu ta despedi, tabata envolvi for di inicio di CAft riba 1 di augustus 2015 y nan ta mira bek riba un cooperacion cu Aruba cu ta mehorando cada bes mas. Sybilla Dekker ta relata tocante di su periodo den CAft: “Kedando den combersacion cu otro, Aruba y CAft por a pone e pasonan necesario den desaroyo di supervision financiero na beneficio di finanzas publico sostenibel. Robert Croes ta confirma esaki y ta añadí: ”Tabata un honor pa riba proposision di mi pais mi por a forma parti di e Colegio y semper mi a haci esaki semper a base di honor y consenshi”.

Manera ta custumber durante di e bishitanan di e Colegio na Aruba, a hiba combersacion cu Gobernador, Minister di Finanzas, Conseho di Minister y e Comision Parlamentario di Finanzas, Asuntonan Economico y di Organisacion di Gobierno.

 

- Advertisement -

DUNA COMENTARIO

Please enter your comment!
Please enter your name here