Home General Cantidad di melding pa candela a baha e aña aki riba Dia...

Cantidad di melding pa candela a baha e aña aki riba Dia di San Juan

61
0
SHARE
- Advertisement -

Ferdinand Ponson, vocero di Brandweer

ORANJESTAD   (AAN):   Comunidad di Aruba diadomingo a celebra Dia di San Juan “Dera Gai”. Hopi hende ademas di celebracion den diferente club, y algun di nan a dicidi di bay kima. Sr. Ferdinand Ponson, vocero di Cuerpo di Brandweer, ta splica.

E kimamento a bay cu precaucion y esaki a pone cu e cantidad di meldingnan di candela a baha hopi, compara cu aña pasa. Tabata tin hopi candela, diferente caminda, pero e meldingnan di peliger tabata tin 34 melding, unda cu Brandweer mester a duna atencion pa evita lo peor pa pasa.

Di e 34 meldingnan aki, tabata tin un par cu tabata peligroso, pero tabata tin tambe molester di huma, na complehonan di apartamento, casnan di anciano y esaki tabata forma un molester grandi pa cual mester a zorg di biaha pa esey.

Pa loke ta e peticion di brandweer, pa no kima cosnan kimico of peligroso, Sr. Ponson a splica cu esaki tambe a baha. Nan ta bezig mas tanto cu pa loke ta mata of yerba. Unda Brandweer kier yega ta pa nan bay na Centronan di Bario, cu tabata hopi yen. Parti di Sta. Cruz tabata tin basta candela, pero e hecho di celebracion den Centro di Bario, a yuda cu e cantidad di asistencia pa candela a baha compara cu añanan anterior.

Ariba Dia di Dera Gai brandweer a zorg pa paga tur e candelanan cu nan a asisteer, tabata tin paar di candela cu brandweer no por a yega, a pasa cu autonan particular pa asina duna asistencia unda cu no tin peliger pa casnan den bicindiario.

Durante dialuna, e truck di Brandweer a sali varios biaha, pa asina duna asistencia na candelanan cu a keda cu chispa, pa asina evita cu algo pio lo por pasa, segun Sr. Ferdinand Ponson, vocero di Cuerpo di Brandweer.

- Advertisement -

DUNA COMENTARIO

Please enter your comment!
Please enter your name here