Home Hudicial Caso asesinato hororoso na de Vuyst posponi

Caso asesinato hororoso na de Vuyst posponi

134
0
SHARE
- Advertisement -

Fiscal a laga haci mas investigacion y abogado kier scucha tres testigo

ORANJESTAD (AAN): Manera DIARIO a publica, Diabierna mainta e sospechoso Jairo A. Chalgut a presenta dilanti Hues. E caso tabata pro forma caminda Fiscal a informa cu aunke e procesverbaal ta cla, a laga haci mas investigacion riba DNA di marcanan cu a haya na e cas di e incidente. Ademas di esey, abogado mr. Illes a bisa Hues cu e kier pa scucha tres testigo.

ACUSACIONNAN:

Den sala di Corte tabata presente mama y familiarnan di e victima Sarahi Sierra. Fiscal a bisa Hues cu Jairo A. Chalgut ta worde sospecha cu riba 3 November 2017: a mara, choca, stik, hinca, maltrata, viola, mata y horta un suma di placa di e dama Sarahi Sierra.

Fiscal a bisa Hues cu e motibo cu e caso ta pro forma ta pasobra cu e investigacion ta cla pero a pidi mas investigacion. A laga investiga e DNA riba marcanan cu a haya na e cas. A manda esakinan 30 Maart 2018 pa Instituto Forense na Hulanda. (NFI)

Fiscal a pidi pa pospone e caso te 14 September 2018.

SOSPECHOSO TA INOCENTE?

Abogado mr. Illes a bisa Hues cu e kier scucha tres testigo. El a menciona e dama A.V. y e homber R.Y. Segun e abogado nan por bisa cu Jairo A. Chalgut no tabata na e cas na momento di e sucedido. Tambe e abogado a pidi pa scucha e ruman muher di e difunto, S. Segun e abogado, S. lo por splica con e relacion entre J.A.C. y e victima tabata. Mirando e testigonan cu e abogado kier scucha, e pregunta cu ta surgi ta: “e sospechoso ta inocente?” Fiscal a adverti cu mester tene cuenta cu e testigonan, en especial e ruman muher, lo por haci uso di nan derecho di silencio.

PRUEBA DNA:

Manera DIARIO a publica, e caso aki, pa Polis y Ministerio Publico, ta hiba e nomber Fist. A tuma muestra di DNA di diferente persona a base voluntario. Entre e personanan tabata e sospechoso Jairo A. Chalgut.  Investigacion haci na NFI ta mustra cu a haya DNA di Chalgut. Esey ta haci cu Chalgut ta worde mira como e sospechoso. Chalgut ta un amigo di cas di e victima o sea un persona hopi cerca di e victima.

Tratamento di e caso aki lo bira interesante ora scucha e testigonan aki compara cu resultado di investigacion di Recherche.

Hues a puntra e famia di e victima, si kier haci demanda di daño. E mama tabata tur tristo sinta y a bisa Hues cu Chalgut no por debolbe su yiu. El a sigui bisa cu e no kier haci demanda di daño.

INVESTIGACION TA SIGUI:

Hues a bisa cu e ta pospone e caso y ta manda e caso back pa Hues Comisario cu e instruccion pa scucha e tres testigonan cu abogado mr. Illes a pidi. Hues a bisa cu e caso ta keda pospone te dia 14 di September pa 9’or di mainta.

Por a nota cu e sospechoso a keda sinta ta mira su dilanti so y no a bisa nada.

 

- Advertisement -

DUNA COMENTARIO

Please enter your comment!
Please enter your name here