Home Gobierno Caso Land Aruba contra Michael Williams ta riba e hecho cu su...

Caso Land Aruba contra Michael Williams ta riba e hecho cu su acusacionan infunda por perhudica bienestar general

91
0
SHARE
- Advertisement -

ORANJESTAD (AAN): Diabierna huez a trata e caso cu land aruba a intama contra Michael Williams, e resultado di e caso lo worde conoci dia 29 di juni. E caso ta specificamente riba e hecho cu sr. Williams ta trece mal informacion den comunidad cual lo por daña/perhudica e derecho cu Gobierno tin pa por tin un proceso cla, transparente y habri den e proceso di un destaho publico.

E proceso pa yega na soluciona e reto cu tin pa maneho di desterdicio ya a bin ta tuma luga pa locual tin e proceso di Request For Information (RFI) y Request For Proposal (RFP) cu ta incia dentro di poco pa e proyecto di ‘waste to energy’ akinan na Aruba.

Den e hecho di e daño cu por a worde haci na Pais Aruba ta considerando tambe e partnernan den e proceso aki manera WEB y TNO. Na momento cu e acusacionnan a cuminsa bay den direccion cu lo ta papia di bidding cu ta worde ‘geset’ y cu Gobierno supuestamente ta prepara pa un hende gana un bidding adelanta a tuma decision pa trek un liña.

E acusacionnan infunda aki ta trece un risico hopi grandi pa Pais Aruba cu cierto momento companianan por bisa cu  nan no ta kere den e proceso y consecuentemente no lo participa den e proceso aki. Cual ta e motibo tras di e caso contra sr. Williams.

Pa locual ta e mal informacionnan cu frecuentemente ta worde treci den cierto prensa, a tuma nota cu ta pretende cu Gobierno a ‘cera acuerdo caba cu Ecogas’. Ta di lamenta cu e tipo di declaracionnan aki ta worde publica, pasobra ta hopi biaha a papia riba e proceso cu a worde identifica unda cu tin un proceso short term, mid term y long term, pa finalemnte por yega na un solucion duradero pa locual cu ta trata maneho di desperdicio.

Na hopi ocasion a papia di e proceso short term cu ta encera cu kier cera Parkietenbos y cu no ta bay warda te ora cu e proceso a termino largo ta cla. E proceso a termino largo ta tumando luga via e RFI/ RFP cu ta un proceso cu ta bay termina te cu fin di e aña aki. Banda di esey ta cana e proceso short term caminda cu a identifica un compania (e unico) cu ta dunando e servicio di por hinca e Refuse-derived fuel (RDF) aki den Environbales pa nan worde dera na Sero Thijshi a base di un combersacion habri entre Serlimar y Ecogas pa cual a yega na e decision ey. Un proceso cu a splica ampliamente na varios ocasion na comunidad di Aruba.

- Advertisement -

DUNA COMENTARIO

Please enter your comment!
Please enter your name here