Home Gobierno Castigo pidi plus TBS lo bira 25 y 14 aña maximo den...

Castigo pidi plus TBS lo bira 25 y 14 aña maximo den caso asesinato di e dos rumannan

55
0
SHARE
- Advertisement -

Minister Bikker a splica:

ORANJESTAD (AAN) – Den conferencia di prensa di gobierno, Dialuna mainta, Minister di Husticia mr. Andin Bikker a toca e tema di “estructura” ora cu tin casonan penal.

E dignatario a referi na e caso lamentable di e dos criaturanan cu a bira victima di abuso domestico y a fayece, a bin dilanti cu e castigonan pidi ta wordo considera como mucho abao.

Minister di Husticia a splica tocante esaki cu Ministerio Publico ta un instancia independiente, cu ta determina den cada caso specifico, ki castigo nan ta pidi.

Di e castigonan cu a wordo pidi, e mandatario a indica cu no a compronde kico ta e dimension. Ora cu a pidi 15 aña (pa e padrastro di e victimanan) mas e “beschikking stelling” (TBS) esey ta minimo 25 aña.

Cu otro palabra, na momento di pidi 15 aña mas TBS ora e persona haya minimo diez aña cu e mester bay bao di tratamento y si e ta califica cu e no ta un peligro pa sociedad mas, e ora ey e ta bin na remarca pa drenta bek den sociedad. E mandatario a indica cu den e caso aki ta papiando di 25 aña.

Mescos ta conta pa e mama di e criaturanan. E ta 14 aña. Los di esey, Ministerio Publico tin su autoridad independiente pa e castigonan den cada caso specifico, pero gobierno como legislador, tin e tarea di cada bez evalua den casonan specifico tambe si nos leynan ta suficientemente actualiza.

E dignatario a expresa cu awor hopi hende ta realiza pakico e ta insisti di varios aña caba pa bin cu un Academia di Ley y actualiza nos leynan. Minister Bikker a indica cu leynan ta comparable cu e software di un computer: leynan ta e softwarenan di un pais. Ora cu ta ripara cu e leynan di bo pais ta anticua mester actualiza nan pasobra, e leynan actual pa e caso specifico aki, tin cierto plafond cu si kier logra pa e castigo maximo wordo duna e ora ey mester a bin cu e TBS y tambe den e caso di e mama cu a pidi 4 aña maximo plus e TBS.

E dignatario a subraya cu si den nos leynan tin un plafond anto mester revisa nan y netamente esey ta e obhetivo pa cual e ta encaminando e proceso pa por yega na huristanan pa por update nos leynan. Pa motibo di e obstaculonan legal aki, e mandatario ta haya cu como legislador y co-legislador conhuntamente cu Parlamento, mester actualiza nos leynan.

Minister Bikker a reitera cu Ministerio Publico ta independiente pa determina kico ta e castigo cu ta pidi, pero den e caso aki e no a wordo suficientemente aclarea cu ta 15 plus diez minimo y cuater plus diez, pues 14 minimo.

El a subraya cu gobierno no por djis keda mira riba e leynan ora castigonan ta wordo duna, pero mester realiza tambe cu e tragedia aki tin dimensionnan adicional y cu e castigonan so no ta bay soluciona e problema y su impacto riba e abandono di e red social di Gobierno anterior, cu pa ocho aña largo no a inverti den esaki. A traha riba infrastructura pero no a bay riba e ser humano mes, no a pone central, y esaki a haci cu e tragedia a tuma lugar. Pesey gobierno ta concentra den e ser humano y a bin cu e plan di crisis social tambe, pa atende riba tur nivel di e problemanan aki pa evita cu tragedianan aki ripiti den nos sociedad.

- Advertisement -

DUNA COMENTARIO

Please enter your comment!
Please enter your name here