Home General CBS a cuminsa planea riba Censo 2020 desde aña pasa caba

CBS a cuminsa planea riba Censo 2020 desde aña pasa caba

34
0
SHARE
- Advertisement -

Parlamentario Setty Christiaans-Yarzagaray

ORANJESTAD (AAN): Parlamentario Setty Christiaans-Yarzagaray a elabora cu el a atende prome reunion di CBS, cu ta planeando pa Censo 2020, aki por a wak cu team di innovacion tambe a wordo acerca pa asisti den proyecto aki, y e ta considera cu esaki ta parti di metanan di Desaroyo Sostenible di SDG, pasobra como cu e ta bin for di mundo di data y di CBS, e sa cu un Censo ta un di e proyectonan mas grandi y mas importante di un pais, pasobra un Censo ta acoge suficiente informacion pa determina maneho di un pais.

Datonan riba un nivel asina amplio y varia, cu ta un oportunidad unico cada 10 aña pa haci cierto preguntanan pa por haya data riba cierto nivelnan. Mirando e hecho cu nan ta bezig como pais riba programa di SDG (Sustainable Development Goals) di Nacionnan Uni ta momento hopi importante pa monitor y midi, indicadornan di SDG no ta wordo determina pa Aruba, riba progreso di e pais.

E Censo aki ta sumamente importante pa asina asegura cu plataforma cu ta participa den preguntanan inclui den e Censo, tambe ta riba nivel y nan ta al tanto di tur desaroyo di SDG, pa haci preguntanan necesario.

E cuestionario a  wordo parti den cuatro diferente area, cu ta parti di tecnologia y innovacion; vivienda; economico, demografico y di poblacion; educacion; salud. Cada 10 aña ta organiza un Censo y Aruba por prepara pa esaki pa 2020.

E parlamentario a indica cu den su mesun experiencia, ta conoci cu tin paisnan cu practicamente no mester haci hopi pregunta den un Censo, pa motibo cu nan tin un sistema administrativo asina bon, cu no mester haci cierto pregunta mas. Den caso di Aruba ta haya un cuestionario asina largo, pa puntra asina hopi dato pasobra tin discrepancia di datonan. E ta urgi gobierno pa bin cu sistema cu por colecta datonan mientras proceso di trabao ta permiti esaki.

Esaki lo haci cu e trabaonan lo ta mas facil, mas agil y den un proyecto manera un Censo, gobierno no lo mester hinca tanto placa riba esaki, pasobra nan lo a colecta datonan den e procesonan di trabao.

 

- Advertisement -

DUNA COMENTARIO

Please enter your comment!
Please enter your name here