Home Deporte Center League Major campeon 11/12 a gana serie playoff interleague

Center League Major campeon 11/12 a gana serie playoff interleague

28
0
SHARE
- Advertisement -

ORANJESTAD(AAN)–Durante weekend tabata tin weganan di Playoff Interleague categoria 11/12, caminda cu Center League den best out of three a swiep e serie den dos pa asina titula campeon.

Center sin duda a mustra di tabata un seleccion cu a gana tur nan wega den e playoff.

Diasabra Center ta logra segura nan titula ganando North cu e score di3 pa cero.

Center tabata tin tres careda nan a conecta 10 hit y a comete dos error..

E equipo di North tabata tin cero careda nan a bato dos hit y a comete un error.

A gana e partido Zarik Tromp y a perde pa e muchanan di North Yandel Gill.

Diadomingo North a mustra cu a presenta bon riba tereno den bom di promer inning

North a anota dos careda, pero Center a bons bek den di tres y ta coi ventahe pa bai ariba cu tres careda

Den di cuatro Center luchanado asina fuerte ta bin anota tres careda mas pa hasi e wega 6-2.

Aki North League a medio sak den otro, Center den di cinco ta bin anota cuatro careda pa segura nan victoria.

Den bom di cinco North a bin menasa pero ta logra anota un solo careda pa e partido bira 10 pa 3 pa Center League.

Cu e score di 10 pa 3 Center ta bira campeon y asina haya e derecho pa bai representa Aruba na Puerto Rico den e serie del Caribe den luna di Juli.

For di aki banda Diario Deportivo ta desea e seleccion exito.

Center pa loke ta e resulta di ayera nan a tabata tin 10 careda, nan a conecta 13 hit y comete un error, pitcher ganador a resulta Daniel Benschop.

Pa North League nan tabata tin 3 careda a bati 5 hit y a comete 2 error, a perde e partido Vinshley Winterdal.

- Advertisement -

DUNA COMENTARIO

Please enter your comment!
Please enter your name here