Home Gobierno Chofernan di autobus hopi preocupa cu aumento di impuesto

Chofernan di autobus hopi preocupa cu aumento di impuesto

104
0
SHARE
- Advertisement -

ORANJESTAD (AAN) – Un gremio cu ta sumamente preocupa cu aumento di BBO, BAZV y BAVP, debi pa nan ta nifica un pago di impuesto di 6% completo.

Esaki pa motibo cu nan no tabata pagando ningun di e impuestonan aki pasobra nan no ta depende di un doño di trabao, pero nan mes tin cu paga nan AZV, nan impuesto na belasting, y logicamente e BBO cu tur hende tin cu paga den comercio.

E diferencia ta cu awor si, nan tin cu bay paga e 6% completo, segun nan a wordo informa door di gobierno. Mientras tanto nan no a logra un aumento di tarifa cu sikiera 50 cen.

Aworaki e tarifa pa trip ta 3 florin. Ya caba pa nan ta un peso grandi cada bez cu tin cu cambia un pieza di e van, hopi placa ta bay na gasoline cu cada bez ketobay ta subi di prijs; awor loke nan tabata yena den tanki cu 40 florin awor ta 100 florin!

Ademas di esey como trahador cu tin famia nan tin tur e gastonan envolvi den un hogar, mientras tanto cu e fluho di pasahero a baha drasticamente. E competencia cu nan ta confronta cu transporte pirata dia aden di afo ta practicamente imparable. Hopi biaha e mesun pasaheronan ta contribui na esaki.

E chofernan di transporte pirata incluso ta cera amistad cu cierto pasaheronan y nan sa ki ora nan tin cu busca nan, na unda, y e chofernan di autobus ta wak cu decepcion con esnan cu tabata nan usuarionan fiel y fast, no ta subi nan bus mas pero si ta warda esun pirata cu ta biniendo nan tras.

Algun di e chofernan di autobus a cuminza baha nan oranan di trabao y esaki ta crea un gap di tempo, cu tin usuarionan cu no ta subi transporte pirata cu tin cu warda casi un ora, si nan ta perde Arubus, pa haya un bus chikito.

Pues un situacion cu ta parce cu gobierno no a atende cu nan y e chofernan y claro, e pasaheronan no sa con e situacion lo bay bira for di entrante 1 di Juli proximo, cu hopi hende a cuminza yame “ e Juli preto”!

- Advertisement -

DUNA COMENTARIO

Please enter your comment!
Please enter your name here