Home Comentario Ciudadano di acuerdo cu resolucion di ONU encuanto aborto y ideologia di...

Ciudadano di acuerdo cu resolucion di ONU encuanto aborto y ideologia di genero

15
0
SHARE
- Advertisement -

ORANJESTAD (AAN) – Diadomingo atardi un ciudadano a tuma contacto cu nos redaccion, pa referi na e resolucion cu un par di dia atras, e Organizacion di Estadonan Americano (OEA) a tuma, relaciona cu e temanan cu tin basta tempo creando polemica mundialmente: Ideologia di Genero y Aborto.

Encuanto ideologia di genero, por corda cu no mucho tempo pasa a wordo presenta den Parlamento di Aruba, un mocion pa faborece e matrimonio entre personanan di mesun sexo, y na final nada concreto a bin dilanti.

Esaki ta un asunto cu tin varios pais, tanto na Europa como den America Latina basta bezig y tin algun cu a adopta un ley pro matrimonio homosexual. Encuanto aborto tambe tin algun pais cu a pasa un ley pro aborto, pero den casonan terapeuticamente necesario so, unda un docter ta recomenda esaki urgente en caso cu e bida di e mama ta na peligro.

Otro paisnan ta laga e mayornan mes scoge ken e docternan ta scapa e bida si e mama of e yiu. Incluso tin casonan unda na final despues di a scoge pa e baby, tur dos bida a gana e bataya y otronan unda toch ambos bida a perde.

Un par di dia atras OEA a aproba un resolucion tocante e derechonan humano del cual ta exclui aborto y ideologia di genero.

Ora esaki a wordo pasa door di diferente noticiero di television mira na Aruba, un ciudadano local kier a duna su opinion, pasobra e ta haya cu esaki ta un di e mihor decisionnan cu ONU a tuma.

E ciudadano cu ta un catolico practicante a comenta cu e no ta discrimina e personanan gay. Ta Dios so tin derecho di huzga y e no a toca e parti aki.

ONU a basa su mes riba e pensamento di Alliance Defending Freedom y varios representante di e sociedad civil, gruponan pro-famia y pro-bida, cu a logra pa e termino “intersex” a keda descarta durante e reunion aki di ONU. Tocante aborto tambe a keda descarta e pensamento cu e ta un derecho.

Tur ser tin derecho na bida, y ningun hende tin derecho di elimina e bida cu un homber y un muher a procrea. E ciudadano a indica cu riba e tema aki e informacion ta masha cortico pero e ta kere cu realmente esnan cu ta traha yiu mester para responsable pa su acto, no obstante den caso cu e bida di un mama ta na peligro, esey ta cuestion di e pareha mes of e mama dicidi.

Tambe e tin su dudanan ora ta trata di un abuso sexual di cual a engendra un criatura. E ta hopi delicado. Pero den caso di comun acuerdo na ora di tin relacion sin proteccion, e baby no tin pakico wordo sacrifica. En todo caso, ta cuestion di conciencia di cada ken.

 

- Advertisement -

DUNA COMENTARIO

Please enter your comment!
Please enter your name here