Home Enseñanza Colegio Arubano entre scolnan top 20 di mundo den competencia di matematica...

Colegio Arubano entre scolnan top 20 di mundo den competencia di matematica na Singapore

171
0
SHARE
- Advertisement -

ORANJESTAD  (AAN): Jamin Si, Wenlu NG y Jim Wijngaarde ta studiantenan di Colegio Arubano. Nan a bay Singapore pa asina participa den e di seis Singapore International Mathematics Challenge. E competencia aki ta uno entre e miho scolnan secundario na mundo, unda cu Colegio a sali den e top 20. Ta di dos biaha cu Colegio a participa y ta un orguyo cu Colegio ta entre e mihonan di mundo.

Pa e studiantenan aki esaki ta un experiencia unico y trahando hunto nan a yega asina leu. Tabata un honor pa representa e scol como tambe Aruba.

E matematica cu nan a haya na Singapore ta uno completamente diferente compara cu esun di Aruba. E tabata tocante di “City Life”, con bida ta den un ciudad. E preguntanan tabata den tres parti. Full e Challenge tabata mas riba modulering, cu ta adapta un problema y pone problema bira Wiskunde. Ta splica kico ta pasa exactamente.

E nivel ta hopi halto, segun e studiantenan. Mas tanto di e som cu nan ta haya nan tin cu busca X of, manera grafiek. Eynan ta manera proef esaki, proef esey. E competencia tabata mucho cortico, di manera cu nan no a haya mucho tempo pa caba cu e competencia por ehempel si nan a haya algun dia extra.

Colegio a gana e Commendation Award. Nan ta top 20 di full mundo di matematica. Di 50 scol cu a participa, nan a yega na e miho 20 nan.

Cu wiskunde por logra hopi. Jamir a contesta cu e kier bay den engineering, pero no sa unda precies e lo bay studia si ta Hulanda of Canada.

Wemlum a splica cu e lo bay studia accounting na Hulanda. Cu e hecho cu el a bay den e competencia na Singapore, e tin mas chens pa yega leu.

Jim a splica cu e tin interes di bay studia aerospace engineering, pa na final caba y traha na Space X of NASA.

Ricky Quandt ta docente di wiskunde na Colegio Arubano y e ta conta cu e idea aki a cuminsa aña pasa pa competi na Hulanda, cual ta e Wiskunde Olympiade, cu ta tuma luga tur aña na Maart. Na aña 2012 a bin un delegacion di Singapore y Quandt a haya invitacion oficialmente di esnan cu ta organisa e SIMC, cual ta para pa Singapore International Mathematics Challenge. Nan a bin Hulanda y a participa tambe. Eynan a haya e invitacion pa participa na 2014. Quandt no a worry mucho cu e invitacion. E no a participa na 2014. Na 2015 Quandt a bay participa un biaha mas na Hulanda y na 2016 tambe. E tabata tin un klas cu tabata hopi motiva pa loke ta cu wiskunde y kier a bay competi, no solamente na Hulanda, peor tambe na Singapore.

Na 2016 a bay Hulanda cu V6 y ora a caba di bay cu V6, e muchanan di V5 tambe kier a bay haci algo, esta bay Singapore. No por bay cu V6 Singapore, pasobra nan ta den examen. A pidi permiso di e rector e tempo ey y for di eynan a cuminsa cu buscamento di sponsor. Nan mes mester busca sponsoring pa full e proyecto. E experiencia di Singapore tabata asina bon pa e muchanan pa haci conoci cu e sistema di enseñansa, cual ta cualifica Singapore como e mihornan na mundo.

Aña pasa a haci seleccion individual y a scoge e tres hobennan ya menciona, cualnan ta hopi dedica y asina ey nan a prepara nan mes pa e biahe largo. Nan no tabata optimalmente prepara, pero si haci best e ora por mira con leu por yega. Asina a biaha pa Singapore, cual ta mas of menos 2 dia di biahe. E dia siguiente di e yegada a bay China Town, unda cu nan a haci un bon papel.

E atraccion tabata Jim, mirando cu e tabata un tiki cortico, cu a haci’e un celebridad na Singapore. Nan a haci nan opdracht hopi bon. E Singaporeans ta enfoca mas riba modeling, zuivere wiskunde. Quandt a splica e studiantenan pa no spanta, pasobra e wiskunde ta similar. Nan mester a haci un presentacion full na Ingles.

Na Aruba ta haya les, ta haya proefwerk, ta haya CP, SO y examen. Na Singapore tin cu bay a base di modeling, presentacion. Nan a haci’e hopi bon. Tabata un sorpresa hopi agradabel ora cu a menciona nan nomber. Despues di esey, ta core graba e momento ora di subi podium y haya nan medaya. Hopi pais no a spera cu Aruba a cay den top 20. Aruba ta un isla hopi chikito. A logra di subi un podium entre scolnan renombra na mundo y ta un competencia mundialmente reconoci, cu por compar’e cu e weganan olimpico di scolnan secundario riba tereno di matematica.

E muchanan mester ta orguyoso di nan mes di loke nan a logra. Esaki sigur ta habri porta pa nan den nan bida cu lo sigui despues di Colegio Arubano.

Quandt ta gradici tur hende cu a yuda. Tur aña tin companianan, personanan y ex alumnonan cu ta yuda tur aña gratuitamente cu e proyecto aki. Nan ta kere den wiskunde. Awendia hende no ta realisa pero mathematics tey tur caminda y e sistema Asiatico ta enfoca riba hopi riba wiskunde. Si bay otro banda di mundo,  enfoca riba modeling, matematica, fisica y tecnologia y tabata hopi great pa por a maak mee enseñansa na otro banda di mundo, pa tin un bista mas amplio di bida.

 

 

- Advertisement -

DUNA COMENTARIO

Please enter your comment!
Please enter your name here