Home Enseñanza Colegio EPI envolvi cu Erasmus Plus pa 18 studiante di Aruba bay...

Colegio EPI envolvi cu Erasmus Plus pa 18 studiante di Aruba bay Alemania

48
0
SHARE
- Advertisement -

ORANJESTAD(AAN): E bon noticia ta cu Colegio EPI ta envolvi tambe cu Erasmus Plus unda cu un comision Europeo ta poniendo fondonan pa enseñansa, pa deporte y tambe pa trabaonan voluntario.

Colegio EPI a aplica pa un proyecto na 2017. Un proyecto cu yama Globalisacion. Esey ta nifica cu por laga studiantenan haci un pasantia, un training of haci un opleiding tambe den exterior. E proyecto cu a aplica p’e ta hunto cu Alemania, na Dresden, ta cu un training institute, cu ta specialisa riba VET (vocational educational training) unda cu por scoge 18 studiante pa bay Alemania pa bay sigui un curso pa 2 siman. E fondonan aki ta cubri 95% di e gastonan. E ta depende tambe kico e studiantenan mes kier bay haci, banda di e training na Alemania, cu e gastonan por subi. Pero e fondonan aki ta cubri mayoria di gastonan pa loke ta e training aki.

Awor aki ta bezig cu e seleccion di e studiantenan. A logra selecta 18 studiante. Esaki ta basa riba aplicacionnan cu nan ta manda, hunto cu un carta di motivacion. A base di esey, un comision di EPI a selecta e 18 studiantenan aki. Awor aki cu tin nan nomber y grupo forma, lo bay planea den ki temporada nan ta bay.

Yanez ta sigui splica cu awor aki, door cu ta nan prome biaha cu nan a aplica p’e, a haya 18 studiante aproba pa bay. A haci informacion pa e studiantenan y aki por mira cu toch nan tin hopi interes den esaki. Pero door cu e ta nobo, ta sinti cu ainda e studiantenan no ta hopi confia den esaki. Awor aki cu por ta e 18 studiantenan aki bay, nan por bin back y plama e noticia, cu den siguiente añanan por haci’e un tiki mas grandi y pa mas studiante.

No ta dificil pa saca e studiantenan e aña aki pasobra e cantidad cu a aplica e aña aki tabata rond di e 18nan ey. Tin algun riba wachtlijst, wardando e goedkeuring di nan mayornan y e posibilidad di e opleiding mes, unda cu nan ta, si nan ta alcansa pa bay Alemania.

E studiantenan tin cu duna un verslag di kico nan a siña y tambe promove e parti di Erasmus + pa e otro studiantenan wak ki balor e pasantia aki tin pa nan, cu nan ta bay afo dos siman, den un otro cultura, un otro ambiente y hayando training of haciendo un stage si ta posibel.

Esaki no ta mara na un edad. Ta prefera si cu nan ta mayor di edad. Tur e studiantenan por aplica pa esaki. Si nan tin 54 aña mes, nan por bay. Tur studiante por bin na remarca pa esaki. Nan no ta bayendo cu guia, door cu ta dos siman so, plus ta studiantenan mayor di edad. E guia mas tanto cu nan lo tin ta na Alemania. E cooperacion cu tin cu Alemania ta asina estrecho cu e guia no ta necesario.

- Advertisement -

DUNA COMENTARIO

Please enter your comment!
Please enter your name here